वीरगंज, १ पुस ।
छोरीलाई दाइजो होइन, पैतृक सम्पतीमा अंश देऊँ । हे आस्थवानहरु हो ! एक अर्काको धनसम्पति अनुचित ढङ्गले नखाउ नाराको साथ देश व्यापी रुपमा १० दिने दाइजो विरुद्ध अभियान सरु भएको छ । इस्लामी संघ नेपाल प्रदेश नं. २ को आयोजनामा वीरगंजबाट अभियान सुरु भएको हो । अभियान अन्तर्गत आइतबार वीरगंजको घण्टाघरमा विभिन्न नारा लेखिएको प्ले कार्ड सहितको जागरण कार्यक्रम गरिएको छ ।
इस्लामी संघ प्रदेश नं. २ का अध्यक्ष मुजतुबा अंसारी, पर्सा अध्यक्ष जमिल अखतर, बारा अध्यक्ष जिक्रुमलाह अंसारी लगायतको नेतृत्वमा अभियान संचालन गरिएको हो । अभियान १० दिन सम्म चल्ने र ग्रामिण भेगको गाउँहरुमा समेत जागरण अभियान चलाइने प्रदेश अध्यक्ष अंसारीले जानकारी गराए । मुस्लिम समुदाय पनि दाइजोबाट अछुतो नरहेकोले जागरण अभियान चलाइएको आयोजकले जनाएको छ ।
मुस्लिमहरुको इस्लाम धर्ममा दाइजो लिनु हुन दाइजो हराम हो भनिएकोले पनि दाइजो विरुद्धको अभियान नै चलाइएको आयोजकको भनाई छ । अभियानमा अन्तर्गत वीरगंजको घण्टाघरमा भएको जागरण कार्यक्रममा आइडल एकेडेमी बहुअरीका बालबालिकाहरु सहभागि थिए भने बालिकाहरु बुरका लगाएर नै सहभागि भएका थिए ।
