पर्सा, १ पुस ।
धोबीनी गाउँपालिकाको वडा नं. २, भिखमपुरमा शनिबार निःशुल्क आँखा शिविर सम्पन्न भएको छ । हेटौडा सामुदायिक आँखा अस्पतालको सहयोगमा र भिखमपुर जन सामुदायिक विकास केन्द्रको आयोजनामा भएको शिविरमा ३ सय २० जनाले आँखा चेकजाँच गराएका छन ।
जस मध्ये १ सय १२ जनामा मोतिया बिंद फेला परेको आयोजक संस्थाका अध्यक्ष संतोष पटेलले जानकारी दिए । शिबिरमा निःशुल्क औषधी समेत वितरण गरिएको र मोतिया बिंद फेला परेकाहरुको निःशुल्क सल्यक्रिया समेत गरिने पटेलले वताए ।
केन्द्रका अध्यक्ष संतोष पटेलको अध्यक्षतामा भएको शिविरको उदघाटन धोबिनी गाउँपालिका अध्यक्ष सुरेश प्रसाद कुर्मीले गरेका थिए । शिविरमा सामुदायिक आँखा अस्पतालका चिकित्सक सविता क्षेत्री, कृष्ण कुशवाहा, जनक बस्ती, स्वेस्ता चौधरी, गौरब रिमाल लगायतकाले आँखा परिक्षण गरेका थिए । कार्यक्रमको सहजिकरण संस्थाका सचिव प्रेम चौहानले गरेका थिए ।
