वीरगंज, २९ मंसिर ।
टुबोर्ग दोस्रो बिशाल गोल्ड कप फुटबल प्रतियोगिता वीरगंजमा हुने भएको छ । वीरगंजको नारायणी रंगशालामा पुस २८ गते देखी माघ ५ गते सम्म प्रतियोगिता संचालन हुने शनिबार पत्रकार सम्मेलनको आयोजना गरी जानकारी गराइएको छ । बिशाल मेमोरियल फाउन्डेसनको आयोजनामा हुने प्रतियोगितामा नेपालका ए डिभिजन क्लबका ५ टिम र भारतका चर्चित क्लबका २ टिम गरी जम्मा ८ वटा टिमको सहभागिता रहने छ ।
नेपाल पत्रकार महासंघ, पर्साको सभा कक्षमा आयोजित पत्रकार सम्मेलनमा वोल्दै प्रतियोगिता फिफा रुल्स अनुसारको खेलाइने बिशाल मेमोरियल फाउन्डेसनका अध्यक्ष अनिल कुमार कलवारले वताए । प्रतियोगिता स्थल नारायणी रंगशालाको फिल्ड मर्मत कार्य जारी रहेको अध्यक्ष कलवारले जानकारी गराए ।
प्रतियोगिता संचालनको कुल लागत रु ५१ लाख ९८ हजार ३ सय ३२ रहेको उनले जानकारी गराए । २०७४ सालमा प्रतियोगिता संचालन गरे अनरुप नै यस पालिपनि रंगशालाको पुर्व र पश्चिम पैराफिट संचालनमा रहने जनाइएको छ । रंगशालाको उत्तर र दक्षिण पैराफिटको बस्ने अवस्था नरहेकोले पूर्व र पश्चिममा पैराफिट प्रयोग गरिएको आयोजकले जनाएको छ ।
प्रतियोगितामा पुरस्कार रासी विजेताको रु ५ लाख ५५ हजार ५ सय ५५ र उप विजेताको रु २ लाख ७७ हजार ७ सय ७७ रहेको छ । यसका साथै प्रदेश नं. २ को राष्ट्रिय रंगशाला जनकपुरमा निर्माण गर्ने निर्णय भइरहदा वीरगंज स्थित नारायणी रंगशाला २५ हजार दर्शक बस्ने सक्ने रहेको र यसलाई प्रदेश २ कै अन्तराष्ट्रिय रंगशाला बनाउन सबै भौतिक समरचना रहेको पत्रकार सम्मेलनमा जानकारी गराइएको थियो भने हाम्रो उद्देश्य खेलकुदको सहर वीरगंजलाई चिनाउनु रहेको आयोजकले जनाएको छ ।
