वीरगंज, २९ मंसिर ।
वीरगंज हेल्थ केयर अस्पतालमा शनिबार एंजियोग्राफी तथा एंजियोप्लास्टी गरिएको छ । अस्पतालमा सुरु भएको क्याथ लैबमा निःशुल्क रुपमा २ जनाको एंजियोग्राफी तथा एंजियोप्लास्टी गरिएको अस्पतालका प्रमुख डा. अबुलेश हशन अंसारीले जनकारी दिए । यस्तै १५ जनाको निःशुल्क रुपमा उपचार गरिने प्रमुख डा. अंसारीले जानकारी गराए ।
- Advertisement -
सहिद गंगालाल अस्पताल काठमाण्डौका बरिष्ट मुटु रोग बिशेषज्ञ रवि मल्लको नेतृत्वको टोलीले उपचार गरेको थियो । जुन टोलीमा डा. विनय रौनियार, डा. अचुतलाल कर्ण, डा. कशिम अंसारी, नर्स बिष्णु पाण्डे, शंत सिंह ठकुरी, भुमिका अधिकारी लगायतका रहेका थिए ।
यो उपचार पछि रोगीको हृदयको रक्तवाहिनी मांसपेशिमा रक्तको बढने र यसबाट तत्काल विरामीलाई आराम मिल्लने गर्दछ । यसका साथै हृदयघातको सम्भावनामा पनि धेरै कमि आउने गर्दछ ।
