वीरगंज, २७ मंसिर ।
पर्सा प्रहरीले अवैध भारतीय मुद्रा सहित एक जना भारतियलाई पक्राउ गरेको छ । पक्राउ पर्नेमा भारत विहार मोतिहारी जिल्ला चैलाहा थाना वडा नं. ९ बस्ने शेष खलिलको छोरा बर्ष ५५ का महमद मैनुल हक रहेका छन ।
विशेष सुचनाको अधारमा वीरगंज १६, इनर्वा चौक स्थित सडक खण्डमा चेकजाँच गर्ने क्रममा कालो रंगको झोलामा लुकाई छिपाई ल्याइएको अवस्थामा भारतिय मुद्रा रु ५०० दरको नोट ३ सय ४० थान गरी जम्मा रु एक लाख ७० हजार सहित मैनुल हकलाई पक्राउ गरिएको जिल्ला प्रहरी कार्यालय, पर्साले जनाएको छ ।
वीरगंजको नाका हुदै भारतको रक्सौल तर्फबाट नेपाल भित्रयाउदै छ भने विशेष सुचनाको अधारमा मंगलबार सांझ मैनुल हकलाई अवैध भारतिय मुद्रा सहित पक्राउ गरीएको प्रहरी कार्यालय, पर्साले जनाएको छ ।
पक्राउ परेका हकलाई आवश्यक कारवाहीको लागि राजश्व अनुसन्धान विभाग मध्य क्षेत्रिय कार्यालय पथलैया, बारा पठाइएको छ ।
