पर्सा, २६ मंसिर ।
अख्तियार दुरुपयोग अनुसन्धान आयोगले बुधबार पकहा मैनपुर गाउँपालिकामा स्थलगत छानविन गरेको छ । आर्थिक वर्ष २०७४/०७५ मा गाउँ कार्यपालिकाबाट भएको निर्माण सम्बन्धि कामको अख्तियारको एक टोलिले स्थलगत छानविन गरेको हो ।
गाउँपालिकाको वडा नं. १ धोरे, २ सुर्जाहा, ४ लहावरथकरी र ५ सबैठवामा भएको विकासा निर्माणका योजनाहरुको अख्तियारले स्थलगत छानबिन गरेको हो । गाउँपालिकाबाट निर्माण सम्बन्धि योजनाहरुको फाईल झिकाई मंगलबार देखि नै अख्तियारको टोलिले स्थलगत निरीक्षण तथा छानविन थालेको बुझिएको छ ।
अख्तियारमा परेको उजरीको आधारमा अख्तियार अनुसन्धान र छानबिनको लागि गाउँपालिका पुगेको बताएको छ । यस विषयमा अख्तियारको टोलि संग बुझन चाहदा यो नियमित प्रक्रिया रहेको र अरु कुरा बताउन नमिल्ने वताएका थिए ।
अख्तियार दुरुपयोग अनुसन्धान आयोग हेटौंडाका २ जना रहेको टोलिलाई गाउँपालिका अध्यक्ष विजय चौरसिया, प्रमुख प्रशासकिय अधिकृत छविरमण भट्टराई, इन्जिनियर विजय गुप्ता, ईश्वर यादव, वडा अध्यक्ष लेखमन पटेल लगायतकाले योजनाहरु देखाएका थिए ।
