वीरगंज, २४ मंसिर ।
सशस्त्र प्रहरी बल गुल्मले सोमबार लागु औषध सहित एक जनालाई पक्राउ गरेको छ । पक्राउ पर्नेमा बारा जितपुर सिमरा उपमहानगरपालिका ७ निवासी सिकेन्द्र सहनीको छोरा बर्ष १९ का साहेब सहनी रहेका छन ।
वीरगंज १६, भन्सार मुलगेटमा खटिएको डिउटी टोलिले चेकजाँच गर्ने क्रममा भारतबाट नेपाल तर्फ झोला भित्र लुकाई छिपाई ल्याउदै गरेका लागू औषध इन्जेक्सन सहित सहनीलाई पक्राउ गरिएको सशस्त्र प्रहरी बल गुल्मले जनाएको छ ।
निजको साथबाट लागू औषध डाईजोल्याव १०० गोटा, नोफिन १०० गोटा र फेनारगन १०० गोटा फेला परेको सशस्त्र प्रहरी नायब उपरीक्षक तिलक खड्काले बताउनु भयो ।
