पर्सा, २२ मंसिर । पर्साको पटेर्वा सुगौली गाउँपालीकाको वडा नं. ४ पटेर्वा सुगौलीमा गुणस्तरीय शिक्षाको अवस्था बारे परिवेश विश्लेषण विषयक अन्तरक्रिया कार्यक्रम सम्पन्न भएको छ । दिव्य यूवा क्लव, पर्सा तथा एक्सन एड नेपालको सहकार्यमा संचालनमा रहेको स्थानीय अधिकार कार्यक्रम अन्तरगत कार्यक्रम संचालनमा रहेको कार्यक्षेत्र पटेर्वा सुगौलीमा कार्यक्रम सम्पन्न भएको हो ।
वडा अध्यक्ष रजेशवर प्रसाद चौधरीको अध्यक्षतामा भएको कार्यक्रममा गाउँपालिकाका अन्तरगत विद्यालयका प्रअहरु, विद्यालय ब्यवस्थापन समितिका प्रतिनिधीहरु, निर्बाचित जनप्रतिनिधीहरु, किशोरी समुहका प्रतिनिधीहरु, महिला अधिकार मंचका प्रतिनिधी लगायत ६० जनाको उपस्थिती रहेको आयोजक संस्थाका कार्यकारी निर्देश्क रामाकान्त पटेलले वताउनु भयो । कार्यक्रमको सहजीकरण राजेश यादव र सुनिल कुमार भारतीले गरेका थिए ।
