वीरगंज, २१ मंसिर ।
रिकभरिङ्ग ओमैन प्रदेश नं. २ को आयोजनामा शुक्रबार वीरगंजमा प्ले कार्ड सहितको प्रदर्शन गरिएको छ । महिला माथी हुने सबै खाले हिंसाको विरुद्धमा महिला अधिकारकर्मीहरुले विभिन्न नारा लेखिएको प्ले कार्ड सहितको वीरगंजको घण्टाघरमा प्रदर्शन गरेका हुन ।
वालविवाह रौकौं, महिला एब्रस रोकौं, पुरुषहरुबाट हुने बलात्कार रौकौं, महिला हिंसा विरुद्ध हामी पनि छौं लगायतको नारा लेखिएको प्ले कार्ड सहित अधिकारकर्मीहरु घण्टाघरमा कार्यक्रम गरेका हुन ।
सविता लामाको संयोजकत्वमा भएको कार्यक्रममा महिला हिंसा तथा लैङ्गिक हिंसा माथी कोपिला चौलागाई साहले प्रकाश पारेका थिइन भने कार्यक्रमको सहजिकरण संतोष थापाले गरेका थिए । महिला हिंसा विरुद्धको १६ दिने अभियान अन्तर्गत कार्यक्रम गरिएको आयोजकले जनाएको छ ।
