वीरगंज, २१ मंसिर ।
वीरगंज भन्सार स्थित रहेको सशस्त्र प्रहरी बल गुल्मले १० के.जी. लागु औषध चरेश सहित एक जना भारतिय नागरिकलाई पक्राउ गरेको छ । वीरगंज १६, शंकराआचार्य गेटबाट भारत उत्तर प्रदेश बेशोपुरो मथुरा स्थाई घर भएका कन्हैयाको छोरा बर्ष ४५ को गिरी राजलाई पक्राउ गरेको हो ।
शरिरमा सेटिङ्ग गरी लुकाई छिपाई बिहिबार राती ८ बजेको समयमा नेपालबाट भारत रक्सौल तर्फ जादै गरेको अवस्थामा निजलाई पक्राउ गरिएको सशस्त्र प्रहरी बल गुल्मले जनाएको छ ।
चेकजांच गर्ने क्रममा निजको साथबाट १० के.जी. चरेश, एल.वाई.एफ. ब्राण्डको मोबाइल एक थान, राइटी ब्राण्डको मोबाइल एक थान, एम पावर ब्राण्डको मोबाइल एक थान र भारतिय रुपैया ४ हजार बरामत भए पछि नियन्त्रणमा लिई आवश्यक कर्वाहीको लागि जिल्ला प्रहरी कार्यालय, पर्सामा बुझाइएको सशस्त्र प्रहरी नायब उपरिक्षक तिलक खडकाले जानकारी दिनु भयो ।
