पर्सा, १८ मंसिर
कालिकामाई गाउँपालिकाको आयोजनामा गाउँपालिका स्तरिय संचारकर्मी तथा गैरसरकारी संघ संस्थाहरुको प्रचारप्रसार सम्बन्धी १ दिने अभिमुखीकरण कार्यक्रम स्वास्थ्य कार्यालय मुडलीमा मंगलबार सम्पन भएको छ ।
कुष्टरोग निवारण अभियान २०७५ अन्तर्गत १ दिने अभिमुखीकरण कार्यक्रममा वक्ताहरुले कुष्टरोग देवी देवताको सा्रप नरहेको र यो औषधी खाए पछि निको हुने रोग भनी यसलाई हामी सबै मिली गाउँपालिका मुक्त कुष्टरोग गर्ने प्रतिबद्धता जाहेर गरेका छन ।
कालिकामाई गाउपालिकाका निमित प्रशासकिय अधिकृत जोगीन्द्र प्रसाद चौरसियाको अध्यक्षतामा भएको कार्यक्रममा जिल्ला जनस्वास्थ्य कार्यालय पर्साका क्षयकुष्ट राग अधिकृत शम्भु यादवले गाउपालिका र जिल्लाको डाटाहरु प्रस्तुत गरेका थिए ।
कालिकामाई गाउँपालिकामा आर्थिक बर्ष २०७४/०७५ मा ६ वटा रोगी र पर्सामा ११७ जना रहेको र उपचार चलिरहेको बताएका छन ।
कालिकामाई गाउपालिकामा वडानम्बर १ मुडलीमा १ जना, वडानम्बर ४ प्रशुरामपुरमा १ जना, वडानम्बर ५ बिरन्चीवर्वामा ४ जना गरी ६ जना रहेको तथ्यांक रहेको प्रस्तुत गर्नु भयो । वडानम्बर २ भेडिहारी र वडानम्बर ३ हरिहरपुरमा ० रहेको प्रस्तुती गर्नु भयो ।
कार्याक्रममा गाउँपालिका अध्यक्ष नथुनी कुश्वाहा, पत्रकार छठु साह, लालबाबु बानियाले मन्तब्य राखेका थिए भने कार्यक्रम संचालन अहेव महेन्द्र चौरसियाले गरेका थिए । कालिकामाई गाउपालिका अन्तर्गतका संचारकर्मी र गैरसरकारी संस्थाका प्रतिनिधीहरुको सहभागीता रहेको थियो ।
