वीरगंज, १८ मंसिर ।
नेपाली कांग्रेस पर्साका सभापति अजय द्विवेदी द्वारा नेपाल विद्यार्थी संघ, पर्साको अध्यक्ष मनोनित कुनै तुकको नभएको क्षेत्रीय सभापतीहरुले वताएका छन । नेवि संघ पर्साका चार वटै क्षेत्रीय सभापतिहरुले संयुक्त रूपमा मंगलबार प्रेस विज्ञप्ती जारी गर्दै सभापति द्विवेदीले अनियमित नियुक्त गरेको वताएका हुन ।
नेवि संघ पर्साका क्षेत्रीय सभापतीहरु देवप्रकाश पटेल, रन्जित कुमार पटेल, चन्दन सहनी र बिकास तिवारीले संयुक्त रूपमा प्रेस विज्ञप्ति जारी गर्दै नेपाली काङ्ग्रेस पर्साका सभापतीको नाममा जारी मनोनित कुनै पनि विधि र विधान संवद नभएको हुदा त्यस निर्णयको कुनै तुक नरहेको जनाएको हो ।
सभापती द्विवेदी द्वारा नेवि संघ पर्साको अध्यक्षमा नियुक्त गरिएको विश्वास रन्जन द्विवेदी उन्हाको आफ्नै भतिजो रहेको समेत विज्ञप्ती मार्फत जनाईएको छ । केही समय पहिला मात्र नेवि संघ पर्साको अधिवेशन आयोजना गरिए पनि सहमती जुटन नसकेर उद्घाटन सत्र मात्र बिधिगत पूरा गर्दै अधिवेशन स्थगित भएको थियो ।
