वीरगंज, १४ मंसिर ।
प्रदेश नं. २ को नाम मिथिला घोषणा गराउन शुक्रबार वीरगंजको घण्टाघरमा संचालन गरिएको हस्ताक्षर अभियानकर्ताहरु १० मिनेट मै भागेका छन । भोजपुरी भाषाको बाहुल्यता रहेको वीरगंजको घण्टाघरमा हस्ताक्षर अभियान संचालन गर्ने अभियानकर्ताहरु प्रतिकार हुने डरले भागेको वुझिएको छ । हस्ताक्षर अभियान संचालन गरिएको फोटो सामाजिक संजाल फेसबुकमा सार्वजनिक भए पछि स्थानिय युवाहरु आक्रोषित भएका छन । आक्रोषित युवाहरुको केही समुह हस्ताक्षर अभियानको प्रतिकार गर्न वीरगंजको घण्टाघरमा समेत पुगेको थियो ।
हस्ताक्षर अभियान संचालनको सामाजिक संजाल फेसबुकमा फोटो देखेर हामी त्यसको प्रतिकार गर्न घण्टाघर पुगेको ओ.बि.सी., पर्साका अध्यक्ष अकलेश साहले वताए । आफुहरु वीरगंजको घण्टाघरमा पुगुन्जेल अभियानकर्ताहरु भागन सफल भएको साहले वताए ।
यस्तै सामाजिक संजाल मै फोटो देखेर राष्ट्रिय विद्यार्थी संघ ठा.रा.ब. अध्यक्ष मधुसुधन चौरसियाको समुह पनि घण्टाघर पुगेको थियो । हामी फोटो हेर्न वित्कै घण्टाघर पुगे पनि अभियानकर्ताहरु नभेटेको चौरसियाले जानकारी गराए ।
यस्तै स्थानिय युवा आसु सरार्फ पनि हस्ताक्षर अभियानको प्रतिकार गर्न वीरगंजको घण्टाघर पुगेको वताए । उनले आक्रोष पोखदै भने मिथिला प्रदेश त कुनै पनि हालतमा हुदैन ।
यस्तै संघिय विद्यार्थी फोरमका सचिवालय सदस्य निखिल बर्णवाल पनि वीरगंजको घण्टाघर पुगेको वताए । प्रदेश नं. २ को नाम मधेश प्रदेश वा मध्य प्रदेश राखल छलफल भइरहेको अवस्थामा मधेश मोमेन्ट भाडन केही तत्व लागि परेको त्यहीबाट संचालित तिनिहरु हुन सकने उनले प्रतिक्रया दिए ।
नेवि संघका क्षेत्रिय सभापति विकास तिवारीले पनि हस्ताक्षर अभियानको विरोध गरे । उनले पनि आक्रोष पोखदै भने राजधानी भनी जनकपुर भयो, विकास पनि तिब्र गतिमा त्यही भईरहेको छ अब कुनै पनि हालतमा मिथिला प्रदेश हुन नदिने र त्यस्तो कार्यको कडा प्रतिकार गर्ने वताए ।
अखिल क्रान्तिकारीका केन्द्रिय सदस्य शिवम साहले हस्ताक्षर अभियान संचालनकर्ताहरुको बहुरुपियाको संज्ञया दिए । भोजपुराको पहिचान खोस्न र वीरगंजलाई पछाडि धकेलन केही मैथली अभियानकर्ताहरु लागि परेको वताउदै त्यस्तो कार्यको अब प्रतिकार गर्ने वताए ।
मिथिला पुनर जागरण अभियानले मिथिला प्रदेशको लागि हस्ताक्षर संकलन गर्न वीरगंजको घण्टाघर पुगेको थियो । जागरण अभियानका ध्रुप झा, अंजु यादव, नविन झा लगायतकाले हस्ताक्षर अभियान संचालन गरेका थिए । सप्तरी, महोतरी, जनकपुर लगायतका ९ जनाको समुहले योजना अनुसार हस्ताक्षर अभियान संचालन गर्न शुक्रबार वीरगंज पुगेको शनिबार बाराको कलैया र आइतबार सिम्रौनगढ पुगने योजना रहेको बुझिएको छ ।
