पर्सा, १० मंसिर ।
नेपाल प्रहरीका प्रमुख प्रहरी महानिरिक्षक (आई.जि.पि.) सर्बेन्द्र खनालले आज पर्साको कालिकामाई गाउँपालिकामा आयोजित भलिबल टुनामेन्ट प्रतियोगितको उदघाटन गर्नु भएको छ । कालिकामाई गाउँपालिकाको वडा नं. १, मुडलीमा आयोजित अन्तराष्ट्रिय भलिबल टुनामेन्ट प्रतियोगिताको उदघाटन गर्नु भएको हो ।
श्री जनाता मा.वि. मुडलीमा आयोजित उदघाटन समाहरोहलाई सम्बोधन गर्दै आई.जि.पी. खनालले राम्रो काममा सहयोग गर्ने वताउनु भएको छ । नेपाली जनाताको सुखदुखमा साथ दिने वताउदै खनालले भन्नु भयो समुदाय सझेदारी कार्यक्रममा वडा, गाउँपालिका र प्रदेश संग सहकार्य गर्ने छु । प्रहरीलाई प्रदेश नं. २ बाट तस्करी, गुन्डागर्दी हटाउन खनालले प्रहरीलाई निर्देशन समेत दिनु भयो ।
गाउँपालिका अध्यक्ष नथुनी प्रसादको अध्यक्षतामा भएको उदघाटन समाहरोहमा पर्साका सहायक प्रमुख जिल्ला अधिकारी दुर्गादत पौडेल, पर्सा प्रहरी प्रमुख प्रहरी उपरिक्षक रेवती ढकाल, सशस्त्र प्रहरी उपरिक्षक प्रेम धवज, प्रहरी प्रधान कार्यालयका प्रहरी उपरिक्षक रामबहादुर कार्की, पोखरिया नगरपालिकाका मेयर दिपनारायण रौनियार (मन्टु), उप मेयर सलमा खातुन, विन्दवासनी गाउँपालिकाका अध्यक्ष श्रीलाल साह कानु (मोदी) लगायतकाले मन्तव्य राखेका थिए भने स्वागत मन्तव्य राजेन्द्र प्रसाद कुर्मीले गरेका थिए ।
