वीरगंज, ७ मंसिर ।
नेपाल मेडिसिटी प्याब्सन टी २० नकआउट त्रिकेट प्रतियोगित शनिबार देखी सुरु हुदै छ । निजी तथा आवासीय विद्यालय अर्गनाइजेशन नेपाल, प्याब्सनले आयोजन गर्न लागेको प्रतियोगिताको सम्पूर्ण तयारी पुरा भएको जनाइएको छ । वीरगंज विर्ता स्थित रहेको अन्पूर्ण होटमा आज प्याबसनले पत्रकार सम्मेलनको आयोजना गरी प्रतियोगिता बारे जानकारी गराएको हो ।
नारायणी रङ्गशाला बाहिर रहेको क्रिकेट मैदानमा शनिबार देखी शुरु हुने त्रिकेट प्रतियोगिताको गैर अवासीय नेपाली संघका संस्थापक अध्यक्ष डा. उपेन्द्र महतोले उदघाटन गर्ने कार्यक्रम रहेको छ । प्रतियोगितामा नेपाल क्रिकेट टिमका क्याप्टेन पारस खडका, राष्ट्रिय कोच जगत बहादुर टमाटा, १९ बर्ष भन्दा मुनि नेपाल टिमका कोच र पूर्व क्याप्टेन विनोद दास र पूर्व क्याप्टेन पवन अग्रवालको समेत उपस्थिति रहने जनाइएको छ ।
करिब ७ लाखको खर्चमा हुने प्रतियोगितामा प्याब्सन संग आवद्ध ३२ वटा माध्यमिक विद्यालयहरुको सहभागिता रहने प्याव्सल अध्यक्ष डा. हरिशंकर साहले वताउनु भयो । मंसिर १९ गते सम्म चल्ने प्रतियोगिता प्याब्सन नगर कार्यसमितिका वर्तमान अध्यक्ष अलोक चौरसिया तथा पूर्व अध्यक्ष इमामुद्दीन अहमदको संयोजकत्व रहने र राष्ट्रिय एम्पायर हीरालाल यादवको रोहबरमा प्रतियोगिता हुने अध्यक्ष साहले वताए ।
