वीरगंज, ६ मंसिर ।
तस्करीको १० के.जी. चाँदी सहित एक जना भारतिय नागरिक पक्राउ परेका छन । पक्राउ पर्नेमा भारत, बिहार, पश्चिम चम्पारण, थाना चनपटिया, लखौरा टोल बस्ने नन्दु साह कानुको छोरा वर्ष ३० को गुलसन साह कानु रहेका छन ।
जिल्ला प्रहरी कार्यालय, पर्साबाट खटिएको प्रहरी टोलीले वी.म.न.पा. वडा नं.२५, सिर्सिया खल्वाटोलामा चेकजाँच गर्ने क्रममा BR 22 AD 3520 नं. को मो.सा. मा वीरगंजबाट रक्सौल तर्फ जादै गरेको अवस्थामा कानुलाई पक्राउ गरेको हो ।
निजले मोटरसाईकलको एयरफिल्टर भित्र लुकाई छिपाई राखेको अवस्थामा दुई पोका चाँदीका दाना ९ बुनिया० प्रति पोका ५ के.जि.को दरले १० किलोग्राम फेला परे पछि पक्राउ गरिएको प्रहरीले जनाएको छ ।
निज संग चाँदीको कागजात माग मर्दा पेश गर्न नसकेकोले उक्त मो.सा. तथा चाँदी बरामद गरी कानुलाई पक्राउ गरी आवश्यक अनुसन्धानको लागि नियन्त्रणमा लिई थप कारवाहीको लागि राजश्व अुनसन्धान विभाग, मध्य क्षेत्रिय कार्यालय पथलैया, बारा पठाउने कार्य भइ रहेको जिल्ला प्रहरी कार्यालय, पर्साले प्रेस विज्ञप्ती मार्फत जनाएको छ ।
