Date
शुक्र, कार्तिक २७, २०८३
Fri, November 13, 2026

मुक्तिनाथ विकास बैंक वीरगन्ज शाखाबाट एक जना महिला सेवाग्राहीको पैसा गायब

spot_img
spot_img

हरिशंकर शर्मा/वीरगन्ज, ४ मंसिर । मुलुकले सम्पूर्ण सानो तथा ठूलो कारोबार बैंक मार्फत गर्न नियम कानून ल्याई रहेको अवस्थामा केही बैंकहरुमा देखिएको चरम लापरवाहीको कारण बैंकबाट सर्वसाधारणको विश्वास गुम्दै गइरहेको छ । आफूले ढुक्क साथ बैंकमा राखेको पैसा आफ्नो जानकारी विना नै अन्य व्यक्तिले निकाल्दा बैंकमाथि सर्वसाधारणको विश्वास कसरी रहन्छ त ? यस्तै घटना वीरगन्जमा पनि सार्वजनिक भएको छ ।

वीरगन्ज घण्टाघर लिंकरोड स्थित मुक्तिनाथ विकास बैंक वीरगन्ज शाखाबाट एक जना महिला सेवाग्राहीको पैसा गायब भएको घटना सार्वजनिक भएको छ । वीरगन्ज महानगरपालिका  ९ बस्ने सुनिता देवी कानुको नाममा रहेको ०३३२०६००२३७१२६०००००१ नम्बरको खाताबाट लगभग २० हजार रुपैया गायब भएको छ । २०१८ जनवरी २९ तारेखका दिन खाता संचालन गरेकी सुनिता देवीले पटक पटक तीन पटक गरि १९ हजार रुपैया जम्मा गरेकी थिइन् ।

२०७४ साल माघ १५ गते ६ हजार ५ सय, २०७४ फागुन ८ गते ७ हजार तथा २०७५ असोज ११ गते ५ हजार ५ सय रुपैया जम्मा गरेकी थिइन् । आफूले जम्मा गरेको पैसा झिक्न छोरालाई बैंक पठाउँदा बैंकको खातामा पैसा नरहेपछि यो घटना बाहिर आएको थियो । बैंकको रेकर्ड अनुसार सुनिता देवी नै नाम गरेकी अन्य एक महिलाले ए.टि.एम. कार्ड लिई पटक पटक गरि बैंकबाट पैसा निकालेको बैंकले दिएको स्टेटमेन्टमा उल्लेख गरिएको छ ।

खाताधनी सुनिता देवी कानुका अनुसार आफूले खाता खोल्दा ए.टि.एम. कार्डको माग गरेका थिए तर आफूले ए.टि.एम. कार्ड नलगेको उनको भनाई छ । बैंकको रेकर्ड अनुसार पनि खाताधनीले ए.टि.एम. कार्ड प्राप्त नगरेको देखिएको छ । २०७५ वैशाख १ गते सुनिता देवीकै नामले हस्ताक्षर गरि कुनै व्यक्तिले ए.टि.एम. कार्ड प्राप्त गरेको देखिन्छ र त्यही ए.टि.एम. कार्डबाट पटक पटक गरि पैसा निकालि सकेका छन् ।

तर त्यो व्यक्तिले ए.टि.एम. कार्ड प्राप्त गर्दा गरेको हस्ताक्षर र खातामा रहेको हस्ताक्षर मिल्दो जुल्दो छैन । जसबाट प्रष्ट हुन्छ कि बैंकको कर्मचारीको मिलोमतो अथवा बैंकको चरम लापरवाहीको कारण अन्य कुनै व्यक्तिले खाताधनीको ए.टि.एम. कार्ड प्राप्त गरि सकेका छन् । त ति व्यक्तिले ए.टि.एम. कार्ड कसरी प्राप्त गरे ? त्यो व्यक्ति को हुन र अरुको ए.टि.एम. कार्ड कसरी लगे ? बैंकले यसको जवाफ दिनैपर्छ ।

यसै प्रश्नलाई केलाउँदै बैंकका शाखा प्रवन्धक हरिकृष्ण पौडेलसँग बुझ्दा केही व्यक्तिहरुलाई बैंकमै बोलाएर वाद विवाद गर्नुको साथै धाकधम्की पनि दिन पछि हटेनन् । बैंकले गरेको गल्तीलाई स्वीकार नै नगरी उल्टै धाक धम्की दिएका बैंकका प्रवन्धक पौडेलसँग जे छ त्यही यथार्थ बताई दिन भन्दा बैंक हाता बाहिर जानुस् भनेर धाकधम्की दिएका थिए ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

वीरगंज कारागारबाट फरार कैदी भारतको आदापुरमा पक्राउ

वीरगंज । वीरगंज कारागारबाट फरार भएका कैदीलाई प्रहरीले पाँच घण्टाभित्रै भारतको सीमाक्षेत्रबाट पक्राउ गरेको छ । जबरजस्ती करणी मुद्दामा कैद भुक्तान गरिरहेका पर्साको पोखरिया नगरपालिका–४...

एमाले प्रसौनी गाउँ कमिटीद्वारा शुभकामना आदानप्रदान कार्यक्रम सम्पन्न

बारा । नेकपा एमाले प्रसौनी गाउँ कमिटीको आयोजनामा दीपावली तथा छठ पर्वको अवसरमा शुभकामना आदानप्रदान कार्यक्रम सम्पन्न भएको छ। गाउँ कमिटीका अध्यक्ष नजिर हुसेनको अध्यक्षता...

मल र गहुँको बीउ तस्करीको आरोपमा नेपाली नागरिक पक्राउ

पर्सा । भारत–नेपाल सीमामा तस्करी नियन्त्रण अभियानअन्तर्गत भारतीय सशस्त्र सीमा बल (एसएसबी) ले मल र गहुँको बीउसहित एक नेपाली नागरिकलाई पक्राउ गरेको छ। घटनास्थलबाट...