पर्सा, ३ मंसिर । पोखरिया नगरपालिकाको प्रमुख प्रशासकिय अधिकृत नथु साहको आज एक कार्यक्रमको बिच विदाई गरिएको छ । नगर कार्यपालिकाको कार्यालय पोखरियामा आयोजित कार्यक्रममा मेयर दिपनारायण रौनियार (मन्टु) ले अधिकृत साहलाई दोसल्ला ओढाई सम्मान गर्दै मायाको चिन्हो दिई विदाई गर्नु भएको थियाे ।
मेयर रौनियारले कार्यक्रमलाई सम्बोद्धन गर्दै साहले आफ्नो कार्यकालमा पोखरिया नगरपालिकाकाको लागि गर्नु भएको योगदानको प्रशंसा समेत गर्नु भयो । अधिकृत साहको भुमि ब्यस्था, सहकारी तथा गरिबी निवारण मन्त्रालय सिंहदरबार सरुवा भएको छ ।
पोखरिया नगरपालिकाले आयोजना गरेको विदाई कार्यक्रममा वडा अध्यक्ष रामबाबु चौहान, सोनालाल साह गोढ, अजय साह कलवार, नन्दलाल कुर्मी, लक्ष्मण साह कानु, बंका गोढ, कर्मचारी युनियन पोखरियाका अध्यक्ष राजेशवर प्रसाद लगायतकाले शुभकामना मन्तव्य राखेका थिए ।
पोखरिया नगरपालिकाको प्रमुख प्रशासकिय अधिकृतमा शिक्षा विभाग सानोठिमी भक्तपुरमा कार्यरत रामजी पौडेलको सरुवा भएको छ ।
