वीरगंज, १६ कात्तिक ।
पर्साको क्षेत्र नं. ४ अन्तर्गत पर्ने कालिकामाई गाउँपालिकाको वडा नं. २, भेडिहारी स्थित रहेको श्री सुकई साह माध्यमिक विद्यालयका विद्यार्थीहरु संग आज नेवि संघले छलफल गरेको छ । विद्यालय मै पुगी विद्यार्थीहरुको समस्या बारे छलफल गरिएको नेवि संघ पर्सा क्षेत्र नं. ४ का अध्यक्ष विकास तिवारीले वताए । छलफलको क्रममा विद्यार्थीहरुको हक–अधिकार हनन तथा विद्यार्थीहरुले पाउनु पर्ने खेलकुद तथा शैक्षिक भ्रमणको बजेट नपाएको भेटिएको तिवारीले वताए ।
विद्यार्थीहरुले पाउनु पर्ने सेवा, सुविधा गाउँपालिकाबाट नपाएको र मांग गर्दा जनप्रतिनिधिहरुले एक अर्काप्रति दोशारोपन लगाउन गरेका कारण हाम्रो गम्भीर ध्यानआकर्षण भएको नेवि संघका नेता सरोज चौरसियाले वताए । विद्यार्थीहरुले आफ्नो अधिकार खोज्दा उल्टै अभद्र व्यवहार समेत भएको हामीहरुलाई विद्यार्थीहरुले भिडियो समेत देखाएका कारण हाम्रो गम्भीर ध्यान आक्रषण भएको चौरसियाले जानकारी गराए । यस्तो कार्य नरोकिए र विद्यार्थीहरुको अधिकारबाट बंचित गराइए हामीले आन्दोलन गर्न पनि बाध्य हुने उनले चेतावनी समेत दिए ।
