पर्स्सा, १६ कार्तिक ।
पर्साको जीराभवानी गाउँपालिकामा जारी छैटौँ पर्सवा गोल्डकप्को उपाधिका लागि शनिवार सेढवा र युनाइटेड बिरगन्ज भिड्ने भएका छ्न् । शुक्रबार भएको अन्तिम सेमिफाइनल खेलमा रङपुरलाई पराजित गर्दै युनाइटेड विरगन्ज फाइनल प्रवेश गरेपछि गोल्डकप्को छैटौँ सस्करणको फाइनल समिकरण पुरा भएको हो।
यसैबिच शुक्रबारको सेमिफाइनल खेलमा ट्राइबेकरमा रङपुरलाई पराजित गर्दै युनाइटेड बिरगन्ज फाइनलमा पुगेको छ् । निर्धारित ७० मिनेटको खेल १=१ गोलको बराबरीमा टुङ्गिएपछि खेल ट्राइबेकरमा पुगेको थियो।निर्धारित खेलको ६ मिनेटमा नै गोल गरेर अग्रता बनाएको रङपुरले अग्रता जोगाउन नसक्दा अन्त्तत: पराजित नै बन्यो।उसका लागि खेल सुरु भएको ६ मिनेटमा नै शत्रुघन चौधरीले गोल गरेका थिए।त्यसपछि दबाबमा परेको बिरगन्जले मध्यान्तर हुनु करीब ३ मिनेट अघि गोल गर्दै खेललाइ बराबरीको स्थितिमा ल्यायो ।
बिरगन्जका लागि नाइजेरियन खेलाडी नानाले जवाफी गोल गरेका थिए।मध्यान्तरपछि दुबै टिमले थप गोल गर्न नसकेपछि खेलको निर्णय ट्राइबेकरबाट लिइएको थिए।यस सङ्गै बिरगन्ज रङपुरलाई २ का बिरुद्द ३ गोलले पाखा लगाउन सफल भएको हो। अन्तिम सेमिफाइनल खेलमा मैन अफ दि म्याच रंगपुरका जर्सी नं ८ को अमिर श्रेष्ठ घोषित भए। श्रेष्ठलाई आजको प्रमुख अतिथि वडाअध्यक्ष दारा सिंह राउतले दुइ हजारको चेक र ट्रफी प्रदान गरे।
यस गोल्डकपका फाइनल शनिबार खेल यूवा प्रगति समाज संघ नेपाल सेढवा र यूनाइटेड बीरगंजबीच हुने आयोजक समितिका अध्यक्ष सुख सागर गौरले बताए ।
