जनकपुरधाम, १२ कार्तिक । मुख्यमन्त्री लालबाबु राउतले मधेश आन्दोलनका दुईजना गम्भीर घाइतेहरुलाई आज आर्थिक सहयोग उपलब्ध गराउनु भएको छ ।
मधेश आन्दोलनका घाइतेहरुलाई आर्थिक सहयोग उपलब्ध गराउने प्रदेश सरकारको निर्णय अनुरुप मुख्यमन्त्री राउतले दुबै घाइतेलाई चेक हस्तान्तरण गर्नु भएको हो ।
मुख्यमन्त्री कार्यालय मधेश भवनमा आयोजित चेकहस्तान्तरण कार्यक्रममा मुख्यमन्त्री राउतले मधेश आन्दोलनका घाइते महोत्तरीका शंकर पासवानलाई दुई लाख र रौतहटका रणविरकुमार सिंह राजपुतलाई एक लाखको चेक हस्तान्तरण गर्नु भएको हो ।
प्रदेश सरकारले अहिले सम्म १३ जना घाइतेलाई चेकहस्तान्तरण गरि सकेका छन । प्रदेश सरकारले मधेश आन्दोलनका घाइतेहरुलाई अवस्था हेरी ५० हजार देखी ३ लाख सम्म उपलब्ध गराउने निर्णय गरेको मुख्य मन्त्रीका स्वकिय सचिव दिपक यादवले वताए ।
