पर्सा – मधेशमा मनाइदै आईएको झिझिया लोप हुँदै गएको छ । प्रत्येक बर्ष दशै शुरु भएको दिन देखि दशमी सम्म मनाईने झिझिया लोप हुँदै गएको हो ।
मधेशि र थारु समुदायको पहिचान समेत बोकेको झिझिया संरक्षण अभावमा लाेप हुँदै गएकाे बताईन्छ । धेरै नै महत्व रहेको झिझिया नयाँ पुस्ताको आगमन संगै लाेप हुँदै गएकाे कालिकामाई गा.पा. २ गदियानीका रामानन्द साहले वताए ।
निकै नै प्रख्यात र लोक प्रिय रहेको झिझिया नयाँ पुस्ताले नमनाउदा लोप हुँदै गएको साहले वताए । दशै शुरू भएकाे घटस्थापनाको दिन देखि प्रत्येक राती १० दिन सम्म झिझिया मनाईन्छ ।
रातिको समयमा गाउँ घरमा सबैले खाना खाईसके पछि युतिहरुको समुहले यो पर्व मनाउने गर्दछ । पहिला हाम्रो गाउँमा ८/१० वटा समुहमा झिझिया मनाइन्थियो । जुन समुहमा १० देखि २० जना केटिहरुको सहभागिता हुन्थ्यो ।
उनले भने अहिले आएर २/३ वटा समुहमा मनाईन्छ । जुन समुहमा ५/६ जनाको मात्र सहभागिता हुन्छ । साहका अनुसार झिझिया मनाउन नयाँ पुस्ताको आक्रसण घटेको छ । आक्रसण भएका र खेल्न चाहेकाहरुको पनि अभिभावकले झिझिया मनाउन नदिएका कारण पनि लोप हुँदै गएको साहको भनाई छ ।
राती समयमा गित गाउदै गाउँको परिक्रमा गरि यो पर्व मनाउने गरिन्छ । १०० अाैं बर्ष पुर्वकाल देखि मनाइदै आईएको झिझिया प्रत्यक बर्ष दशैमा १० दिन सम्म मनाइने गरिन्छ । डाईन भतर कटनाे जवाइन गुनवा कईली लगायतकाे झिझिया गित प्रख्यात रहेको छ ।
हिन्दु र मुस्लिम दुबै समुदायका विशेष गरि बालिका र युतिहरुले झिझिया मनाउने गर्दछ्न । भाइको लामो उमेर र डाइन, भुतिनबाट रक्षा हुने विश्वासका साथ झिझिया मनाउने गरिन्छ ।
