वीरगंज, २४ असोज ।
पर्साको ठोरीमा अबैध रुपमा संचालनमा रहेको मदिरा भट्टी प्रहरीले नष्ट गरेको छ । ठोरी गाउँपालिकाको वडा नं. १, दिपकनगर, भगवाननगर, गौतमनगर स्थित अबैध रुपमा संचालनमा रहेको मदिरा भट्टीमा नष्ट गरिएको जिल्ला प्रहरी कार्यालय, पर्साले जनाएको छ ।
- Advertisement -
भट्टीमा उत्पादन गरिएको तयारी मदिरा आन्दजी ३ सय लिटर र कच्चा पदार्थ अन्दाजी २ हजार लिटर र भाडाकुडा समेत बरामद स्थानिय भद्र भलादमी तथा बुद्धिजिबीहरुको रोहबारमा नष्ट गरिएको प्रहरीले जनाएको छ ।
अबैध रुपमा मदिरा उत्पादन बिक्री वितरणलाई समेत नियन्त्रण गर्नको लागि इलाका प्रहरी कार्यालय ठोरीबाट खटिएको प्रहरी टोलीले मदिरा नष्ट गरेको हो ।
