मधेश तथा तराईका जिल्लामा दसैंको आगमनसँगै दुर्गा पूजा पनि सुरु

वीरगंज २४,असोज ।
प्रत्येक वर्ष आश्विन शुक्ल प्रतिपदा देखि पूर्णिमासम्म मनाइने देश र वीदेश मा रहेका नेपालीहरुको महान् पर्व बडादशैँ बुधबार देखि शुरु भएको छ । यो पर्व आश्विन शुक्ल पूर्णिमासम्म १५ दिन धूमधामका साथ मनाइन्छ । बडा दशैँको पहिलो दिन आज घर घरमा वैदिक विधि पूर्वक दियो, कलश र गणेश स्थापना गरी घटस्थापना गरिन्छ । मधेश तथा तराईका जिल्लामा दसैंको आगमनसँगै दुर्गा पूजा पनि सुरु भएको छ । सहर, बजार, गाउँ घरमा दुर्गा पूजाको भव्य तयारी छ । आज मधेशका जिल्लामा दुर्गा मन्दिर तथा शक्तिपिठमा घटस्थापना गर्नुको साथै कलश राखिएको छ । गाउँका कन्याकुमारी तथा महिलाद्वारा नदीबाट चोखो जल घैंटामा भरेर नरिवल, आँपाको कलशसहितको घैंटा शक्तिपीठमा राखिएका छन् ।घटस्थापनाको अवसरमा आज बारा पर्साका विभिन्न शक्तिपिठ तथा दुर्गापुजा समितिहरुले आ आफनो नगरका विभिन्न स्थानमा भव्यका शाथ कलश यात्रा निकालैका छन् ।
वीरगंज स्थित गहवा माई मन्दिरमा दुर्गा पूजाको भव्य रुपमा आयोजना गरिएको छ भने बारा जिल्लाको परवानीपुर गाँउपालिका वाड नं ३ मा भएको कलश यात्रमा पब्लिक श्रोता क्लब बाट कलश यात्रमा लागेका भक्तजनहरु लाई चिसो पानि तथा सरबत वितरण गरीएको थियो ।से कार्यको योजनकार पब्लिक श्रोताका अध्यक्ष बलराम सरार्फ,क्रिष्ण सरार्फ,सबेश यादव तथा पत्रकार प्रेम यादव रहेका थिए ।
दुर्गाले आसुरी प्रवृत्तिको प्रतीकको रुपमा रहेका चण्ड, मुण्ड, शुम्भ, निशुम्भ र रक्तवीज लगायतका राक्षसहरुलाई वध गर्न लिएका नौ वटा रुपको दुर्गा पक्षका अवसरमा विशेष पूजा, आजा र आराधना हुन्छ । आश्विन शुक्ल प्रतिपदादेखि पूर्णिमासम्मको १५ दिनलाई दुर्गा पक्ष भनिन्छ ।