वीरगंज, २४ असोज ।
कालिकामाई गाउँपालिकाको वडा नं. २, भेडिहारीमा रहेको श्री सुकई साह माध्यमिक विद्यालयलाई प्लस २ बनाउन गठन भएको संघर्ष समितिको बैठक आज सम्पन्न भएको छ । भेडिहारी बजारमा बसेको बैठकले भोली बिहिबार गाउँ कार्यपालिको कार्यालय घेराउ गर्ने निर्णय गरेको छ ।
गाउँ कार्यपालिकाले श्री सुकई साह माध्यमिक विद्यालयलाई १० प्लस २ संचालनको लागि अनुमति नदिएकोले गाउँ कार्यपालिको कार्यालय घेराउ गर्ने निर्णय गरिएको संघर्ष समितिका अजय कुशवाहाले वताए । विद्यालयलाई प्लस २ बनाउन अनुमति दिन गाउँपालिकालाई मौखिक र लिखित रुपमा आग्रह गर्दा पनि अनुमति नदिएकोले दबाव स्वरुप गाउँ कार्यपालिको कार्यालय घेराउ गर्न निर्णय गरिएको कुशवाहाले वताए ।
बैठकले विद्यालयलाई प्लस २ बनाउन गाउँपालिकाको शिक्षा समितिले गाउँ कार्यापालिकालाई सिफारिस गरिसके पनि सम्बन्धीत वडा नं. २ को वडा अध्यक्षले सिफारिस नगरेका कारण सिफारिस गराउने जिम्मा वडा सदस्य रामजी साह कानुलाई दिएको छ ।
स्थानिय गैर सरकारी संस्था ब्रिलिएन्ट युवा क्लबको अगुवाईमा विद्यालयलाई प्लस २ बनाउन अन्तरक्रिया कार्यक्रम, हस्ताक्षर अभियान संचालन गरिएको थियो । यस्तै गाउँपालिकालाई ज्ञापन पत्र बुझाइए पनि विद्यालय प्लस २ संचालनको लागि अनुमति पाउन सकेको छैन ।
२ महना देखी विद्यालयलाई प्लस २ बनाउन विभिन्न किसिमको दबावको कार्यक्रम हुदै आएको छ । गाउँपालिको वोर्डको बैठक बसे पनि विद्यालयलाई प्लस २ बनाउन चुनावी घोषणा पत्रमा समेत प्रतिवद्धता जनाएका गाउँपालिका अध्यक्षका कारण अनुमति दिन निर्णय हुन नसकेको गाउँ कार्यपालिका स्रोतले जनाएको छ ।
बैठकमा ब्रिलिएन्ट युवा क्लबका कार्यक्रम प्रमुख छठु साह, स्थानिय अगुवा जमुना चौरसिया, लालबाबु चौरसिया, रामाधार साह तेली, राधाकिशुन प्रसाद चौरसिया, सुबाष कुशवाहा लगायतकाको उपस्थिती रहेको थियो ।
