वीरगंज ,२३ असोज ।
सतारुढ दल नेपाल कम्युनिष्ठ पाटिको भातृ संगठन अनेरास्ववियु (क्रान्तिकारी) र अनेरास्ववियु पर्साले ह्युम पाईपले च्यापिएर १ जना बालकको ज्यान गएको तथा अन्य ३ जना घाईते भए पछि दोषीलाई कारवाहीको माँग गर्दै पिडित परिवारलाई तुरुन्त राहतको व्यवस्था मिलाउन माँग गरेको छ ।
अनेरास्ववियु (क्रान्तिकारी) का केन्द्रिय सदस्य ईश्ककुमार , महम्द जुबेर आलम र अनेरास्ववियु पर्साका अध्यक्ष रामबाबु यादवले मंगलबार जिल्ला प्रशासन कार्यालय पर्सामा प्रमुख जिल्ला अधिकारी लोकनाथ पौडेललाई ज्ञापन पत्र बुझाउदै उक्त माँग गरेका हुन ।
जिल्ला प्रहरी कार्यालय पर्सा अगाडि रहेको लाल बंगला दरबारमा सोमबार कालिका कन्स्ट्रक्सनले थुपारेको ह्युम पाईपमा खेल्ने क्रममा गम्भिर घाइते भएका वीरगन्ज ९ रानीघाटका चार जना बालबालिका मध्ये एक बालकको मृत्यु भएको छ ।
घाइते भएका चार जना बालबालिका मध्ये बालमुकुन्द राउत चौधरीका छोरा आठ वर्षका रोहीत राउत चौधरीको मृत्यु भएको हो ।
घाइते ३ जना मध्येका वीरगन्ज ९ रानीघाटमा बस्दै आएका गोविन्द चौधरीकी छोरीहरु १० वर्षकी अनुष्का चौधरी र सात वर्षकी अंकीता चौधरीको काठमाण्डौको बिएण्डबी अस्पतालमा उपचार गराइरहेका छन । भने वीरगन्ज ९ रानीघाटका राकेश यादवकी छोरी नौ वर्षकी आयुषा यादवको वीरगन्ज हेल्थ केयर हस्पिटलमा उपचार भईरहेको छ ।
