पाेखरिया,२० असोज ।
पर्साका पोखरीया नगरपालिकाको दोस्रो नगरसभा बाट परित निति तथा बजेट कार्यक्रम शनिबार पोखरीयामा सार्वजनकि भएको छ । नगरपालिकाले आन्तरिक आम्दानी १ करोड ४७ लाख ४० हजार चार सय ५५ गर्ने गरी कुल ४५ करोड ९५ लाख ५ हजारको निति तथा बजेट कार्यक्रम सार्वजनिक गरेको छ ।
“पर्साका केन्द्रबिन्दु प्रचुर बिकाशका पुर्वाधार स्वस्थ्य सुन्दर हराभरा पोखरीया स्मार्ट सिटीको अधार भन्ने मुल नाराका साथ दोस्रो नगर सभा गरिएकाे छ । नगरपालिकाले स्थानियलाई नगरपालिकाका अनुभुति दिलाउने, संयुक्त नगर निर्माण गर्ने जस्ता नारा अघि सारेको छ ।
नगरपालिकाको दोश्रो नगरसभाकाे उद्घाटन गर्दै प्रदेश नम्बर २ का मुख्यमन्त्री लालबाबु राउतले प्रदेश सरकारसँग आवश्यक बजेट नहुँदा स्थानिय तहको माग बमोजिम बजेट विनियोजन गर्न सक्ने अवस्था नरहेको वताए । उनले पोखरीया नगरपालिका वीरगंजको दोश्रो सदरमुकाम भएकाले पोखरीयालाई व्यवस्थीत र समुन्नत बनाउन प्रदेश सरकार सहयोग गर्न तत्पर रहेको बताउदै मधेशमा विकास निर्माणसँगै सामाजिक सचेतनाका कार्यक्रम पनि सँगसँगै अगाडी लिएर बढनु पर्ने कुरामा जोड दिए ।
कार्यक्रममा सांसद हरिनारायण रौनियारले आफू माथि नियोजित षडयन्त्र भएको र षडयन्त्र विरुद्ध आफू नझुक्ने र त्यसको निष्पक्ष छानविन हुनु पर्ने माग गरे ।
कार्यक्रममा पूर्वमन्त्री सुरेन्द्र चौधरीले विकासका बाधकलाई छाडन नहुने बताउदै योजना कब्जा गर्ने र काम नगर्ने ठेकेदारलाई कारवाही हुनु पर्ने बताए ।
कार्यक्रममा नगरपालिकाकी उपप्रमुख सलमा खातुनले आगामी आर्थिक वर्षको कार्यक्रमहरु सार्वजनिक गरेकी थिन ।
नगरपालिकाले विशेष गरी शिक्षा, स्वास्थ्य, सडक र समाजीक विकासलाई मुख्य प्राथमिक्तामा राखेको छ ।
नगर प्रमुख दिपनारायण रौनियारको सभापतित्वमा भएको उदघाटन समारोहमा नेकपाका प्रधुमन चौहान, नेपाली कांग्रेसका रामेश्वर रौनियार, राजपाका निजमोदिन समानी, जिल्ला समन्वय समिती पर्साका सभापति नेक महम्मद अन्सारी, वीरगंज महानगरपालिकाका नगर प्रमुख विजय सरावगी, प्रमुख प्रशासकिय अधिकृत नथु साह लगायतको उपस्थिती रहेको थियो ।
