पर्सा, १७ असोज ।
राष्ट्रिय प्रराम्भिक कक्षा पढाई कायक्रम अंन्तर्गत कालिकामाई गाउँपालिकामा बुधबार १३ जना अभिभावकलाई उत्कृष्ट अभिभावकको रुपमा एक कार्यक्रमका बिच सम्मान गरिएको छ ।
जिल्ला प्रशासन कार्यालय शिक्षा बिकास समन्वय शिक्षा ईकाई, पर्साको आयोजनामा भएको कार्यक्र्रममा कालिकामाई गाउँपालिका अन्तर्गतका १० वटा सामुदायिक विद्यालयका १३ जना अभिभावकहरुलाई सम्मान गरिएको हो ।
श्री जनता मा.वि. मुडलीमा भएको कार्यक्रममा रामबालक प्रसाद चौरसिया, शेषनाथ प्रसाद चौरसिया, विजय प्रसाद कुशवाहा, विरेन्द्र राम, रम्भु पटेल, कालिचरण महतो, राजिन्द्र प्रसाद कुर्मी, संतोष साह तेली, मदन प्रसाद साह, शिवनारायण कुर्मी, रामराज प्रसाद कुर्मी, धनिलाल साह र दुखी राउत कुर्मीलाई उत्कृष्ट अभिभावकको रुपमा दोसला ओढाएर कदर पत्रले सम्मान गरिएको थियो ।
जनता मा.वि. विद्यालय व्यवस्थापन समितिका अध्यक्ष राजेन्द्र प्रसाद कुर्मीको अध्यक्षतामा भएको कार्यक्रममा कालिकामाई गाउँपालिकाका अध्यक्ष नथुनी प्रसाद कुशवाहा, शिक्षा विकास तथा समन्वय ईकाई कार्यालयका, पर्सा अधिकृत हरि राउत कुर्मी, उमेश सहनी, गैसस महासंघ नेपाल, पर्साका अध्यक्ष छठु साह, वडा अध्यक्ष सोनालाल चौरसिया, स्रोत व्यक्ति छोटेलाल साह लगायतकाले मन्तव्य राखेका थिए ।
समयमा विद्यालय पठाउने, बालबालिकाहरुको सरसफाई धयान दिने गरेको र विद्यालय अध्ययन अध्ययापन प्रति चासो राख्ने अभिभावकहरुलाई छनौट गरि सम्मान गरिएको स्रोत व्यक्ति छोटेलाल साहले वताए ।
