लभस्टोरी फिल्म निश्चित सूत्रमा बाँधिएको हुन्छ । वैशालु युवक र युवतीबीच आकस्मिक भेट, झुकाव, प्रेमालाप र द्वन्द्व । त्यही द्वन्द्वमा रुमल्लिदै अगाडि बढेको कथाले अक्सर दुई ढंगबाट विट मार्छ । एक ट्रेजेडी, दोस्रो ह्याप्पी इन्डिङ ।
दर्शकले कथा कहाँ पुगेर टुंगिन्छ भन्ने लगभग अनुमान गर्न सक्छन् । तर, यस्तो भेउ नदिई कथामा ‘ट्वीस्ट’ ल्याउनु र दर्शकको संवेदनासँग खेल्न सक्नु निर्देशकको सफलता हो । अहिले चलचित्र ‘इन्टु मिन्टु लन्डनमा’ की निर्देशक रेनेशा वान्तवा राई यही परीक्षामा छिन् ।
