६ असोज, काठमाडौं । ४ दिनदेखि रोकिएको तेलका ट्यांकर काठमाडौंमा आईपुग्न थालेका छन् । ट्यांकर चालकहरु आन्दोलनमा उत्रिएपछि शुक्रबार सरकारले सेनाका चाकलहरुलाई नै भारतीय डिपोमा ट्यांकर लिन पठाएको थियो ।
- Advertisement -
शुक्रबार साँझ सहमति भए पनि त्यसअघि नै सरकारले सेनाका चालकलाई ट्यांकर लिन पठाएको थियो । निगमका निमित्त कार्यकारी निर्देशक सुशील भट्टराईका अनुसार सेना पठाएपछि ट्यांकर चालकहरूले अाफैं ट्यांकर चलाउन तयार भएका थिए । उनले यसपटकको अान्दोलनबाट पाठ सिक्दै अब निगमले २ सय अाफ्नै ट्यांकर राख्ने पनि बताए, जसले अप्ठेराे अवस्थामा ढुवानी गर्नेछन् । अब सेनाले पनि थप ट्यांकर किन्ने भएकाले अवस्था सहज हुँदै जाने निगमले बताएको छ ।