वीरगंज । श्री गढीमाई मन्दिर संचालन तथा विकास समिति बरियारपुर बाराले महागढीमाई नगरपालिका वडा नं. १ का वडा अध्यक्ष मनोज गुप्ताले मन्दिरको जग्गा अतिक्रण गर्न खाजेको आरोप लगाएको छ ।

श्री गढीमाई मन्दिर संचालन तथा विकास समितिका कोषाध्यक्ष महेश जैसवालले आइतबार बीरगंजमा पत्रकार सम्मेलनको आयोजना गरी मन्दिरको जग्गा अतिक्रण गरी वडा अध्यक्षले हिन्दु धर्मावलम्वीहरुको आस्था माथी प्रहार गर्न खाजेको आरोप लगाए । पत्रकार सम्मेलनमा जैसवालले निर्माण कार्यमाथी समितिले आपत्ती प्रकट गरेको जैसवालले बताए ।

उनले मन्दिर क्षेत्रको केन्द्र बिन्दुमा निर्माण हुने वडा कार्यालयले मन्दिरलाई कुरुप बनाउँने एवं पञ्चबर्षिय मेलालाई नै प्रभावित पार्ने बताए । नेपाल पत्रकार महासंघ पर्साको सभाहलमा आयोजना गरिएको पत्रकार सम्मेलनमा कोषाध्यक्ष जैसवालले वडावासीहरुको सहजताको लागि वडा कार्यालय निर्माण हुनु आवश्यक रहेको भएपनि त्यसका लागि थुर्पै बैकल्पिक ठाउँहरु रहेको बताए ।

महागढीमाई नगरपालिकाकाे कार्यपालिका सदस्य समेत रहेका जैसवालले महागढीमाई नगरपालिका वडा नं. १ का वडा अध्यक्ष गुप्ताले बिश्व प्रख्यात मन्दिर गढीमाईको नाममा रहेको किता नं. ३६७ को ४ कठ्ठा १० धुर जग्गा अतिक्रण गरी मनोमानी ढङ्गले  अगाडी बढाएको निर्माण कार्य तत्काल रोक्नु पर्ने माग गरे ।

उनले निर्माण कार्य शुरु भएयता विकास समितिले निर्माण कार्यको विरोध गर्दे आएको वताउँदै निर्माण कार्य नरोएपछि आफुहरु अदलातको सरणमा गएको समेत बताए । उनले आदालतको निर्णय आफुहरुलाई मान्य हुने पत्रकार सम्मेलनमा बताए ।

उनले आफुहरुले अदालतमा निर्माण कार्य रोक्का गर्न लागि माग गरेको बताउँदै अदालतले गढीमाईको पक्षमा निर्णय गर्ने समितिलाई विश्वास रहेको बताए ।
 
देशको मुख्य तिर्थ स्थल एवं पर्यटकीय स्थलको रुपमा विकास हुँदै गएको मन्दिरको मुख्य भागमा यसरी घर निर्माण भएपछि मधेशकै पर्यटकीय विकासमा समेत बाधा पुग्ने भएको हुँदा जैसवालले सारोकारवालाहरुले यस कार्यको बिरोध गर्नु पर्ने पत्रकार सम्मेलनमा बताए ।

पत्रकार सम्मेलनमा निर्माण कार्यलाई नगरपालिकाले किन नरोकेको आफुहरु समेत बुझन नसकेको कोषाध्यक्ष जैसवालको भनाई थियो । 

वडाध्यक्ष गुप्ताले मैले हाेइन नगरपालिकाले वडा कार्यालय निर्माण गर्न लागेकाे वताए । नगरपालिकाकाे वाेर्ड बैठककाे निर्णय अनुसार नै वडा कार्यालय निर्माण हुन लागेकाे वताउँदै त्यसले गढीमाई मन्दिरमा कुनै असर नपर्ने वताए । 

वीरगंज । वीरगंज महानगरपालिकाद्वारा गठित सुशासन तथा संस्थागत विकास समितिले आइतबार महानगरको ५ वटा वडाको सेवा प्रवाह बारे अनुगमन गरेको छ ।

वडाबाट प्रवाह हुने सेवा प्रभावकारी बनाउन र वडाको समस्या पहिचान गर्न समितिले कडाइका साथ अनुगमन थालेको हो ।

समितिले आइतबार वडा नं. ८, ९, ११, १३ र १४ मा अनुगमन गर्दै त्यहा कर्मचारीको उपस्थिति, सेवा प्रवाहको अवस्था, राजश्व संकलन लगायतका विषयमा जानकारी लिएको समितिका संयोजक प्रदीप चौरसियाले जानकारी दिए ।

कतिपय वडामा कर्मचारी अभाव हुँदा सेवा प्रवाहमा समस्या आएको र कतिपय स्थानमा राजश्व संकलनमा समेत समस्या देखिएकाले वास्तविकता यकिन गर्न अनुगमनलाई तिब्रता दिइएको उनले बताए ।

समितिले यस अघि विभिन्न ९ वटा वडाको अनुगमन गरेको थियो । महानगरपालिकाका प्रमुख राजेशमान सिंहले जनप्रतिनिधि रहने वडा कार्यालयमा नै सेवाग्राहीले सास्ती पाएको तथा राजश्व संकलनमा समस्या देखिएको गुनासो आएपछि अनुगमनलाई कडाई गर्न निर्देशन दिए बमोजिम समितिले अनुगमनलाई तिब्रता दिएको हो ।

वडा नं. ५ का वडाध्यक्ष समेत रहेका समितिका संयोजक चौरसियाको नेतृत्वमा गएको टोलीमा प्रशासन महाशाखा प्रमुख राजकृष्ण ताम्राकार, महानगर प्रमुखका सचिवालय सल्लाहकार हरि पोखरेल, जनसम्पर्क सल्लाहकार नवराज फुयाँल, वडा नं. ११ का वडाध्यक्ष अजय कुमार बरै लगायत रहेका थिए ।

वीरगंज । इलाका प्रहरी कार्यालय पटेर्वासुगौलीकाे आयाेजनामा शनिबार रक्तदान कार्यक्रम सम्पन्न भएकाे छ ।

अन्तराष्ट्रिय महिला हिसाँ अन्त्य दिवसको अवसरमा भएकाे कार्यक्रममा १२ महिलासहित ३ सय जनाले रगत दान गरेको रक्तसञ्चार केन्द्र वीरगञ्जका प्रमुख सौरभराज पाण्डेले जानकारी दिए ।

ग्रामीण क्षेत्रमा रक्तदान सम्बन्धी सचेतना बढाउनुको साथै रगत उपलब्धतालाई सहज बनाउने उद्देश्यका साथ कार्यक्रम आयोजना गरिएको इलाका प्रहरी कार्यालयका पटेर्वासुगौलीका प्रमुख एवम् प्रहरी निरीक्षक (इन्स्पेक्टर) रामराजा केशरीले बताए ।

इलाका प्रहरी कार्यालयका पटेर्वासुगौली मै भएकाे कार्यक्रमको उद्घाटन जिल्ला प्रहरी कार्यालय पर्साका प्रमुख प्रहरी उपरीक्षक (एसपी) कोमल विक्रम शाहले रक्तदातालाई रगतको पोका दिएर गरेका थिए ।

काठमाडौं । पर्सा मिलन केन्द्र काठमाडौँले आफ्नो २३ औँ स्थापना दिवस अवसरमा पत्रकार ध्रुव साहलाई सम्मान गरेको छ ।

रेडियो वीरगंज, टिभी वीरगंज एवम् मधेशदृष्टि दैनिकका कार्यकारी अध्यक्षसमेत रहेका साहलाई सञ्चारको क्षेत्रमा पु¥याएको योगदानको कदर गर्दै मिलन केन्द्रले सम्मान गरेको हो ।

कार्यक्रममा शिक्षा, स्वास्थ्य, कला, साहित्य, सञ्चार, विज्ञान, उद्योगलगायतका विभिन्न विद्यामा सक्रिय रहेर समाजलाई योगदान पु¥याइरहेका विभिन्न व्यक्तिलाई अभिनन्दन तथा सम्मान गरिएको थियो ।

कार्यक्रमका प्रमुख अतिथि उपराष्ट्रपति रामसहाय यादवले सम्मानित हुने सबैलाई बधाई दिँदै सम्मानित हुने व्यक्तिको काँधमा समाजप्रति थप जिम्मेवारी बढेको बताए ।

उपराष्ट्रपति यादवले पर्सा मिलन केन्द्रको स्थापना दिवसको अवसरमा शुभकामना व्यक्त गर्दै समाजका लागि मिलन केन्द्रले गर्दै आएको सामाजिक कार्य सबैका लागि अनुकरणीय रहेको भन्दै प्रशंसा समेत गरे ।

उपराष्ट्रपति यादवले काठमाडौँ उपत्यका बाहिर पहिलो उच्च शिक्षा अध्ययन गर्ने थलो पर्सा जिल्लाको ठाकुरराम बहुमुखी क्याम्पस तराई मधेश लगायत सम्पूर्ण नेपालकै शिक्षाको केन्द्र रहिआएको बताए ।

वीरगंज एउटा औद्योगिक सहर भएको र शिक्षा र स्वास्थ्यको पनि सुविधा रहेकोले वीरगंजमा बारादेखि रौतहटसम्मका मान्छेको उपस्थिति देखिएको सुनाए ।

कार्यक्रममा उद्योग वाणिज्य तथा आपूर्तिमन्त्री रमेश रिजाल लगायत विभिन्न क्षेत्रका विशिष्ट व्यक्ति उपस्थित थिए ।

पर्सा मिलन केन्द्रले स्थापनाकालदेखि नै विभिन्न क्षेत्रमा रहेर समाजलाई योगदान पु¥याइरहेका व्यक्तिलाई सम्मान गर्दै आएको र मिलन केन्द्र आफैँ पनि सामाजिक कार्यमा सक्रिय रहँदै आएको अध्यक्ष उमेश कुमार गुप्ता (रौनियार)ले जानकारी दिए ।