वीरगंज । बडा दशैं तथा शुभ दिपावलीकाे अवसरमा शनिबार वीरगंजमा निशुल्क स्वास्थ्य शिविर सम्पन्न भएकाे छ । वीरगंजस्थित घडिअर्वा पोखरीमा भएकाे कार्यक्रममा १८० जनाले आ आफ्नाे स्वास्थ्य परिक्षण गराएकाे राेट्याक्ट क्लब अफ युनाइटेड वीरगंजले जनाएकाे छ ।
रोट्याक्ट क्लब अफ युनाइटेड वीरगंजकाे आयाेजनामा भएकाे शिविरमा मधुमेह तथा रक्तचापकाे चेकजाँच गरिएकाे थियाे । शिविरमा नारायणी अस्पतालका वरिष्ठ फिजिसियन डा. निरज कुमार सिंहद्वारा चेकजाँचको गरिएको थियो ।
नेपाल फर्माका लापेन डेबिट्स डिभिजनले सहयाेग गरेकाे औषधि शिविरमा निःशुल्क रुपमा वितरण समेत गरिएकाे आयाेजक संस्थाका संस्थाका सचिव रो. संगम पण्डितले जानकारी दिए ।
रोट्याक्ट क्लब अफ युनाइटेड वीरगंजका अध्यक्ष सौरभ बर्णवालको अध्यक्षतामा भएकाे शिविरमा रजिश चौधरी, रोशनी भट्टराई, सुजल ठाकुर, ईशा अग्रवाल, अर्चि सर्रफ, आशिष भट्टराई, सर्मिला भण्डारी, डिकेश यादव, बादल कर्ण लगायतकाे सहयाेग रहेकाे थियाे ।
