Date
बिहि, मंसिर ३, २०८३
Thu, November 19, 2026

चीनमा पदक जित्नेका तीन खेलाडीलाई महानगरबाट सम्मानित

spot_img
spot_img

वीरगन्ज । चीनमा आयोजित अन्तर्राष्ट्रिय तेक्वान्दो प्रतियोगितामा पदक जित्न सफल वीरगन्जका तीन जना खेलाडीलाई वीरगन्ज महानगरपालिकाले सम्मान गरेको छ ।

चीनको सान्या सहरमा गत सेप्टेम्बर २६ र २७ तारिखमा सम्पन्न हेनान जिङ्लोङ युथ ओपन तेक्वान्दो च्याम्पियनसिपमा स्वर्ण र कांस्य पदक जितेका खेलाडीलाई बिहीबार महानगरपालिकाले सम्मान गरेको हो ।

प्रतियोगितामा नेपालको प्रतिनिधित्व गर्दै सहभागी भएका १८ खेलाडीमध्ये वीरगन्जबाट सहभागी तीनै जनाले पदक जित्न सफल भएका थिए । वीरगन्जकी अवन्तिका झाले स्वर्ण पदक जित्दा सान्वी शर्मा र अवन्सिका गुप्ताले कांस्य पदक हात पारेका थिए । प्रतियोगितामा २४ देशका खेलाडीहरूको सहभागिता रहेको थियो ।

प्रशिक्षक दिपेश मानन्धरका अनुसार वीरगन्जबाट सहभागी तीनै जना खेलाडीले अन्तर्राष्ट्रिय प्रतियोगितामा पदक जितेर नगरको गौरव बढाएका छन् ।

खेलाडीहरूलाई सम्मान गर्दै वीरगन्ज महानगरपालिकाका मेयर राजेशमान सिंहले अन्तर्राष्ट्रिय प्रतियोगितामा पदक जितेर वीरगन्जको नाम राष्ट्रिय तथा अन्तर्राष्ट्रिय स्तरमा चिनाउन सफल भएकोमा खुसी व्यक्त गरे ।

उनले खेलाडीहरूको सफलताले नगरको खेलकुद क्षेत्रको प्रतिष्ठा बढाएको उल्लेख गर्दै उनीहरूको मेहनत, लगनशीलता र प्रतिभाको प्रशंसा गरे ।

मेयर सिंहले खेलकुद क्षेत्रको विकास तथा खेलाडीहरूको क्षमता अभिवृद्धिका लागि महानगरपालिका सधैँ सहयोग गर्न तयार रहेको बताए । खेलाडीलाई आवश्यक प्रोत्साहन र अवसर प्रदान गर्दै खेलकुद क्षेत्रलाई थप व्यवस्थित र सशक्त बनाउन आगामी दिनमा पनि महानगरले सहयोग गर्ने उनको भनाइ थियो ।

spot_img

ताजा अपडेट

spot_img
spot_img
spot_img

LEAVE A REPLY

Please enter your comment!
Please enter your name here

थप समाचार

बारामा ईभीको ठक्करबाट स्कुटर चालकको मृत्यु, श्रीमती घाइते

बारा । बाराको जितपुरसिमरा उपमहानगरपालिका–२२ स्थित ४ नम्बर पुलमा ईभीको ठक्करबाट स्कुटर चालकको मृत्यु भएको छ भने उनकी श्रीमती घाइते भएकी छन् । जिल्ला प्रहरी...

भीमफेदी सुमो दुर्घटना : तीनको ज्यान गयो, सात घाइते

मकवानपुर । मकवानपुरको भीमफेदी गाउँपालिका–१ भैंसेमा बिहीबार बिहान भएको टाटा सुमो दुर्घटनामा मृत्यु भएका तीनै जना र घाइते सातै जनाको पहिचान खुलेको छ । दुर्घटनामा...

जसपा छाडेर रास्वपा र काङ्ग्रेस रोजेका कालिकामाईका दुई वडाध्यक्षको पद गयो

वीरगंज । जनता समाजवादी पार्टी (जसपा) नेपाल त्यागेर अन्य राजनीतिक दलमा प्रवेश गरेका पर्साका दुई वडाध्यक्षसहित १८ जनप्रतिनिधिको निर्वाचित पद रिक्त भएको छ ।...