काठमाडौं । आम मुस्लिम मोर्चाले काठमाडौं उपत्यका विशेष कमिटी गठन गरेको छ । मोहम्मद आरिफ शाहको अध्यक्षतामा २५ सदस्यीय कमिटी गठन गरिएको हो ।
काठमाडौंको अनामनगरमा शुक्रबार बसेको उपत्यका विशेष कमिटीको बैठकले फुल मोहम्मद मन्सुरलाई इन्चार्ज र मोहम्मद आरिफ शाहलाई अध्यक्ष चयन गरेको मोर्चाका केन्द्रीय अध्यक्ष लालबाबु मन्सुरीले जानकारी दिए ।
नवगठित कमिटीको उपाध्यक्षमा ओसी अख्तर मन्सुर, समिम आलम मन्सुर र खैरुल्लाह मन्सुर बडे मिया चयन भएका छन् । त्यसैगरी, सचिवमा सैदन खातुन, अबुलैस मन्सुर र इलियास अन्सारी तथा कोषाध्यक्षमा इस्लामुल खातुन रहेका छन् ।
कमिटीका सदस्यहरूमा जैरुलह मन्सुरी, तबरेज मन्सुरी, इस्लामुल खातुन सानो, अहमद अन्सारी, ताहिर मन्सुरी, जुल्फिकार मन्सुरी, तवारख मन्सुरी, नूर आलम मन्सुरी, इन्ताज मन्सुरी, मनान मन्सुरी, मोहम्मद आलम, अफसर शाह, अस्ताफ देवान, अमिर मन्सुरी र मजरे आलम मन्सुरीलगायत रहेका छन् ।
आम मुस्लिम मोर्चाका अध्यक्ष लालबाबु मन्सुरीको अध्यक्षतामा बसेको बैठकमा आम जनता पार्टीका अध्यक्ष प्रभु साह, महासचिव त्रिभुवन साह तथा प्रवक्ता सुभाष साहलगायतको विशेष सहभागिता रहेको थियो ।
नवगठित कमिटीले काठमाडौं उपत्यकामा मोर्चाको संगठन विस्तार तथा मुस्लिम समुदायका सवाल र मुद्दालाई संगठित रूपमा उठाउन भूमिका खेल्ने अपेक्षा गरिएको छ ।
