गण्डकी । पोखरा महानगरपालिका–२८ कालिकामा आज बिहान स्कुल बस दुर्घटना हुँदा १८ जना बालबालिका घाइते भएका छन् ।
गण्डकी प्रदेश ट्राफिक प्रहरी प्रमुख गोविन्द काफ्लेका अनुसार कालिका बोर्डिङ स्कुलका विद्यार्थी लिएर जाँदै गरेको बस कालिका भन्ने स्थानमा केहीबेरअघि दुर्घटनामा परेको हो ।
ग २ ख १४१७ नम्बरको बस दुर्घटनामा परेको हो । त्यसमा २२ विद्यार्थी रहेको बुझिएको छ । बस भीरबाट डेढ सय मिटर जत तल खसेको छ । उद्धार जारी छ ।
बस दुर्घटनामा घाइते भएका उनीहरुलाई उद्धार गरेर विभिन्न अस्पतालमा पु¥याइएको जिल्ला प्रहरी कार्यालयका प्रहरी नायब उपरीक्षक वीरेन्द्रकुमार पासवानले जानकारी दिनुभयो ।
