वीरगंज । ठगी तथा संगठित अपराध मुद्दामा १९ वर्ष कैद र १ लाख ९० हजार रुपैयाँ जरिवाना तोकिएका दुई फरार प्रतिवादीलाई प्रहरीले पक्राउ गरेको छ ।
पक्राउ पर्नेमा वीरगंज महानगरपालिका–१६ निवासी २९ वर्षीय विर नारायण चौरसिया र २४ वर्षीय राज नारायण चौरसिया रहेका छन् ।
विशेष सूचनाका आधारमा वडा प्रहरी कार्यालय विर्ताबाट खटिएको प्रहरी टोलीले उनीहरूलाई बिहिबार अपराह्न करिब ४ः३० बजे वीरगंज–१६ स्थित इनर्वाबाट नियन्त्रणमा लिएको हो ।
पक्राउ परेका दुवै जनालाई आवश्यक कारबाहीका लागि पर्सा जिल्ला अदालतमा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक चक्रबहादुर मल्लले जानकारी दिए ।
