वीरगंज । नेपालका राष्ट्रिय स्तरका चर्चित पहलवान राज यादव जापानको आइची नागोया शहरमा आयोजना हुने २०औं एशियन गेम्स कुस्ती (पहलवानी) प्रतियोगितामा नेपालको प्रतिनिधित्व गर्न नेपालबाट प्रस्थान गरेका छन् ।
पर्सा जिल्ला, पोखरिया नगरपालिका–१० शिवबर्वा निवासी यादवले प्रतियोगितामा १२० के.जी. तौल समूहमा प्रतिस्पर्धा गर्नेछन् । उनी नेपाली कुस्ती क्षेत्रमा एक स्थापित नाम मानिन्छन् ।
यादवले यसअघि राष्ट्रिय स्तरमा ९ पटक स्वर्ण पदक जितिसकेका छन् । उनले साउथ एशियन गेम्समा १ पटक रजत पदक र एशियन गेम्स २०२३ मा ७औं स्थान प्राप्त गरेका थिए ।
यसपटक पनि यादवले नेपालको सान बढाउने लक्ष्यसहित प्रतियोगितामा सहभागिता जनाएका छन् । उनी उतर कोरिया -दुबई हुदै जापानमा प्रस्थान गर्ने छ्न ।
उनको सफलताको कामनासहित पोखरिया नगरपालिका, मधेस प्रदेश र सम्पूर्ण नेपालका खेलप्रेमीहरूले यादवलाई गोल्ड मेडल जितेर देशको गौरव बढाउन शुभकामना व्यक्त गरेका छन् ।
२०औं एशियन गेम्स प्रतियोगिता सेप्टेम्बर १९ देखि अक्टोबर ४ तारिखसम्म जापानको आइची नागोया शहरमा आयोजना हुँदैछ।
