वीरगंज । नेपाल तरुण दल पर्सा जिल्ला कार्यसमितिको उपाध्यक्षमा उपनेश कुमार चौरसिया नियुक्त भएका छन्।
नेपाल तरुण दल पर्साका जिल्ला अध्यक्ष बालमीकी यादवले जिल्ला कार्यसमितिलाई पूर्णता दिँदै बिन्दवासिनी गाउँपालिका–४ निवासी चौरसियालाई उपाध्यक्ष पदमा नियुक्त गरेका हुन्।
संगठनको कार्यसम्पादनलाई थप व्यवस्थित एवं प्रभावकारी बनाउन चौरसियालाई उपाध्यक्षको जिम्मेवारी दिइएको नियुक्तिपत्रमा उल्लेख छ। नियुक्तिपत्रमा संगठनको विधान, नीति, निर्णय तथा निर्देशनअनुसार इमानदारी, अनुशासन, पारदर्शिता र निष्ठापूर्वक जिम्मेवारी निर्वाह गर्ने अपेक्षा गरिएको जनाइएको छ।
अध्यक्ष यादवले चौरसियाको सफल कार्यकालको शुभकामना व्यक्त गर्दै संगठनलाई थप मजबुत बनाउन उनको भूमिका महत्वपूर्ण हुने विश्वास व्यक्त गरेका छन्। चौरसिया दोस्रो कार्यकालको लागि उपाध्यक्ष न्युक्त भएका हुन् ।
