चितवन । चितवनको भरतपुर महानगरपालिका–९ मा विद्युतीय कार (इभी) मा आगलागी हुँदा नारायणी विद्या मन्दिर शिवाघाटका पूर्वसञ्चालक अमर पराजुलीको मृत्यु भएको छ।
शुक्रबार बिहान बा.प्र.०१–०३० च ५५७९ नम्बरको विद्युतीय कारमा अचानक आगो लागेको थियो। आगलागीका बेला कारभित्र रहेका पराजुली बाहिर निस्कन नसक्दा घटनास्थलमै मृत्यु भएको जिल्ला प्रहरी कार्यालय चितवनले जनाएको छ।
कारमा आगो लागेपछि दमकलको सहयोगमा नियन्त्रणमा लिइएको थियो। आगलागीबाट कार पूर्ण रूपमा जलेर नष्ट भएको प्रहरीले जनाएको छ।
कारमा आगलागी हुनुको कारण भने अहिलेसम्म खुल्न सकेको छैन। घटनाबारे प्रहरीले थप अनुसन्धान अघि बढाएको जिल्ला प्रहरी कार्यालय चितवनले जनाएको छ।
