वीरगंज । भोटेकोशी नदीमा आएको विनाशकारी बाढीमा परी ज्यान गुमाएका मृतकहरूप्रति वीरगंज कपडा बैंकले श्रद्धाञ्जली गरेको छ।
वीरगंज कपडा बैंकले सोमबार साँझ वीरगंज–८ स्थित आफ्नै कार्यालय परिसरमा दीप प्रज्वलन तथा श्रद्धाञ्जली कार्यक्रम आयोजना गरेको हो। कार्यक्रममा बाढीमा परी ज्यान गुमाएका मृतकहरूको आत्माको चिरशान्तिको कामना गर्दै एक मिनेट मौनधारण गरिएको थियो।
कार्यक्रममा सहभागीहरूले प्राकृतिक विपद्का कारण ज्यान गुमाएका सम्पूर्ण मृतकप्रति श्रद्धाञ्जली व्यक्त गर्दै शोकसन्तप्त परिवारजनप्रति समवेदना प्रकट गरेका थिए।
वीरगंज कपडा बैंकका अध्यक्ष लालबाबु सिंहको अध्यक्षतामा सम्पन्न कार्यक्रममा वरिष्ठ सल्लाहकार तथा समाजसेवी अधिवक्ता पन्नालाल गुप्ता, समाजसेवी प्रकाश उपाध्याय, वरुण चौरसिया, हुकुमसिंह राजपुत, श्रवणबहादुर रायमाझी, नेपाल बार एसोसिएसन पर्साका सदस्य आशुतोष तिवारी, समाजसेवी दीपक खड्गी, सुशीला देवी, कोषाध्यक्ष मनोज मिश्रा, जानकी देवी, संजय मण्डल, नवराज भट्टराई, केदार गुप्तालगायतको सहभागिता रहेको थियो।
कार्यक्रममा वीरगंज कपडा बैंकका कर्मचारी मिथलेश श्रीवास्तवसहित विभिन्न क्षेत्रका समाजसेवी तथा स्थानीयको समेत उपस्थिति रहेको थियो।
भोटेकोशीमा आएको बाढीले ठूलो जनधनको क्षति पु¥याएपछि देशभरबाट मृतकप्रति श्रद्धाञ्जली तथा पीडित परिवारप्रति समवेदना व्यक्त गर्ने क्रम जारी छ। सोही क्रममा वीरगंज कपडा बैंकले पनि दीप प्रज्वलनमार्फत दिवंगतप्रति सम्मान व्यक्त गरेको जनाएको छ।
