वीरगंज । नेपाल कम्युनिष्ट पार्टी (एमाले) मधेश प्रदेश कमिटीले पर्सा जिल्ला कमिटीको नामबाट वीरगंज महानगर कमिटीको अध्यक्षमा सुन्दर कुर्मीलाई गरिएको नियुक्ति बदर गरेको छ ।
नेकपा (एमाले) मधेश प्रदेश कमिटीका अध्यक्ष चन्दैश्वर मण्डलले पर्सा जिल्ला कमिटीलाई पत्र पठाउँदै पार्टी विधानको धारा ६८ अनुसार उक्त नियुक्ति बदर गरिएको जानकारी दिएका हुन् ।
पत्रमा नेकपा (एमाले) वीरगंज महानगर कमिटीको प्रथम अधिवेशनबाट महानगर कमिटी निर्वाचित भइसकेको उल्लेख गर्दै अधिवेशनबाट निर्वाचित कमिटीमा अध्यक्ष, पदाधिकारी वा सदस्यको पद रिक्त भएमा सोही कमिटीले पदपूर्ति गर्ने व्यवस्था पार्टी विधानमा रहेको जनाइएको छ ।
विधानको धारा ६८ अनुसार निर्वाचित कमिटीमा रिक्त पदको पदपूर्ति सम्बन्धित कमिटीले नै गर्ने व्यवस्था रहेकाले जिल्ला कमिटीले महानगर कमिटीको अध्यक्ष मनोनयन गर्न नसक्ने प्रदेश कमिटीले स्पष्ट पारेको छ ।
यसअघि पर्सा जिल्ला कमिटीको नामबाट वीरगंज महानगर कमिटीको अध्यक्षमा सुन्दर कुर्मीलाई गरिएको नियुक्ति पार्टी विधानविपरीत भएको भन्दै मधेश प्रदेश कमिटीले उक्त निर्णय यसै पत्रमार्फत बदर गरेको जनाएको छ ।
यसैबीच, वीरगंज महानगर कमिटीको मिति २०८३ भदौ २० गते बसेको बैठकले लियाकत अलीलाई अध्यक्ष, सन्जु छतकुलीलाई उपाध्यक्ष तथा जलन्धर पटेललाई सचिवमा मनोनयन गरेको थियो ।
मधेश प्रदेश कमिटीले महानगर कमिटीको उक्त निर्णयलाई अनुमोदन गरेको पत्रमा उल्लेख गरिएको छ ।
मधेश प्रदेश कमिटीका अध्यक्ष चन्दैश्वर मण्डलद्वारा हस्ताक्षरित पत्रमार्फत वीरगंज महानगर कमिटीको नेतृत्वसम्बन्धी विवादमा पार्टी विधानअनुसार निर्णय गरिएको जनाइएको छ ।
Login is always fast and secure. I don’t have to worry about my account getting locked out. jiliflogin makes the whole process stress free.