वीरगंज । नेकपा एमाले वीरगंज महानगर कमिटीको छैटौं पूर्ण बैठकले रिक्त रहेका विभिन्न पदमा नयाँ पदाधिकारी मनोनयन गरेको छ ।
वीरगंज महानगर कमिटीका कार्यबाहक अध्यक्ष क. लियाकत अलीको अध्यक्षतामा सम्पन्न बैठकमा नेकपा एमालेका केन्द्रीय सदस्य तथा वीरगंज महानगर इन्चार्ज एवं वीरगंजका प्रथम मेयर विजयकुमार सरावगी प्रमुख अतिथिका रूपमा सहभागी थिए ।
त्यस्तै, नेकपा एमाले मधेस प्रदेश कमिटीका उपाध्यक्ष तथा वीरगंज इन्चार्ज क. विचारी यादव विशिष्ट अतिथिका रूपमा उपस्थित थिए ।
बैठकले वीरगंज महानगर कमिटीमा रिक्त रहेका पदहरूमा क्रमशः लियाकत अलीलाई अध्यक्ष, सञ्जीवबहादुर छतकुलीलाई उपाध्यक्ष तथा जलन्धरप्रसाद कुर्मीलाई सचिव पदमा मनोनयन गरेको छ ।
नवनियुक्त पदाधिकारीहरूलाई नेकपा एमाले वीरगंज महानगर कमिटीको लेखा समितिका संयाेजक अजय साहले बधाई तथा सफल कार्यकालको शुभकामना दिदै जानकारी दिएक हुन् ।
