वीरगंज । नेपाल तरुण दल पर्साको कोषाध्यक्षमा विराज साह नियुक्त भएका छन् ।
नेपाल तरुण दल पर्साका अध्यक्ष बाल्मिकी यादवले साहलाई कोषाध्यक्ष पदमा नियुक्त गरेका हुन् । रामगढवा–२४ स्थित कार्यालयमा आयोजित कार्यक्रममा अध्यक्ष यादवले नवनियुक्त साहलाई औपचारिक रूपमा नियुक्तिपत्र हस्तान्तरण गरेका थिए ।
नेपाली कांग्रेसको भातृ संगठनका रूपमा रहेको नेपाल तरुण दलमा साहको नियुक्तिसँगै पर्सा जिल्लाको संगठनात्मक संरचनालाई थप व्यवस्थित, प्रभावकारी र सशक्त बनाउन सहयोग पुग्ने अपेक्षा गरिएको छ ।
नवनियुक्त कोषाध्यक्ष साहले आफूलाई प्रदान गरिएको जिम्मेवारी इमानदारीपूर्वक निर्वाह गर्ने प्रतिबद्धता व्यक्त गरेका छन् । उनले नेपाल तरुण दल पर्सालाई थप सशक्त, सक्रिय र प्रभावकारी संगठनका रूपमा अघि बढाउन आफ्नो भूमिका जिम्मेवारीका साथ निर्वाह गर्ने बताएका छन् ।
