वीरगंज । रसुवा जिल्लामा आएको बाढीपछि पर्सागढी नगरपालिका–४, बर्वाटाँडी निवासी ४२ वर्षीय नरेश राई सम्पर्कविहीन भएका छन् ।
राई बुधबार बिहान रसुवा जिल्लाको उत्तरगया गाउँपालिकास्थित शान्ति बजारबाट करिब ७ किलोमिटर पछाडि रहेको नयाँ पुलमा ट्रकबाट सामान अनलोड गर्ने क्रममा बाढीको प्रकोपपछि सम्पर्कविहीन भएको बताइएको छ । उनी बिहान करिब ८:४७ बजेदेखि परिवार तथा आफन्तको सम्पर्कमा नरहेको जनाइएको छ ।
राई ट्रक चालक हुन्। उनीसँग सम्बन्धित सवारीसाधनको नम्बर ना. ७ ख ७२२७ रहेको परिवारले जनाएको छ ।
बाढीका कारण सडक तथा आसपासका क्षेत्रमा जोखिमपूर्ण अवस्था रहेकाले राईको खोजी तथा उद्धारमा सहयोग गरिदिन परिवार तथा आफन्तले सबैसँग हार्दिक अपिल गरेका छन् ।
राईको अवस्थाबारे कुनै जानकारी प्राप्त भएमा डॉ. चन्द्र भुषण सिंह (९८१४२५२३५३) मा सम्पर्क गरिदिन आग्रह गरिएको छ । परिवारले नरेश राईको खोजीमा सहयोग पुग्ने गरी सूचना धेरैभन्दा धेरै शेयर गरिदिनसमेत सबैमा अनुरोध गरेको छ ।
