वीरगंज । १३ वर्षीया बालिकामाथि जबरजस्ती करणी गरेको आरोपमा प्रहरीले वीरगंजका एक युवकलाई पक्राउ गरेको छ ।
पक्राउ पर्नेमा वीरगंज महानगरपालिका–१३ राधेमाई निवासी अन्दाजी २८ वर्षीय निखिल सिंह रहेका छन् । उनलाई बुधबार पक्राउ गरिएको जिल्ला प्रहरी कार्यालय पर्साले जनाएको छ ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक चक्रबहादुर मल्लका अनुसार सिंहविरुद्ध बालबालिकासम्बन्धी कसुर अन्तर्गत अनुसन्धान भइरहेको छ ।
प्रहरीका अनुसार पीडित बालिका सिंहकै घरमा काम गर्दै आएकी थिइन् । घरमा अन्य कोही नभएको समयमा सिंहले बालिकामाथि जबरजस्ती करणी गरेको आरोप लगाइएको छ । घटनाबारे थप अनुसन्धान भइरहेको प्रहरीले जनाएको छ ।
