वीरगंज । पूर्वराजा ज्ञानेन्द्र शाहको ८०औँ जन्मजयन्ती मंगलबार वीरगंजमा एक कार्यक्रमकाे आयाेजना गरि मनाइएको छ ।
देशभक्त राज्यभक्त वीरगंजका अध्यक्ष दिपेन्द्र प्रसाद रौनियारको अध्यक्षतामा महावीरस्थानमा आयोजित कार्यक्रममा राजावादी अभियन्ता तथा समर्थकहरूको सहभागिता रहेको थियो ।
कार्यक्रममा पशुपति विक्रम साह, उषा साह, अब्दुल सतार अन्सारी, बिरेन्द्र थापा, अनु राणा, शम्भु चौरसिया, रामनारायण साहलगायतको उपस्थिति रहेको आयोजकले जनाएको छ ।
सो अवसरमा सहभागीहरूले पूर्वराजाप्रति समर्थन जनाउँदै विभिन्न नाराबाजी गरेका थिए । कार्यक्रममा “हाम्रो राजा, हाम्रो देश, प्राणभन्दा प्यारो छ”, “राजा कसको ? जनताको” तथा “नेपाली जनता के भन्छ ? राजा ल्याउ भन्छ” लगायतका नारा लगाइएको थियो ।
कार्यक्रममा वक्ताहरूले मुलुकको वर्तमान राजनीतिक अवस्थाबारे धारणा राख्दै राजसंस्थाको पुनःस्थापनाको पक्षमा आफ्ना विचार व्यक्त गरेका थिए ।
