वीरगंज । जिल्ला प्रहरी कार्यालय पर्साका सूचना अधिकारी तथा प्रवक्ता प्रहरी नायब उपरीक्षक (डीएसपी) हरि बहादुर बस्नेतको काज सरुवा भएको छ । उनी जिल्ला प्रहरी कार्यालय पर्साबाट काज सरुवा भई मानव बेचबिखन अनुसन्धान ब्युरो, काठमाडौंमा जाने भएका छन् ।
साेमबार जिल्ला प्रहरी कार्यालय पर्सामा आयोजित एक कार्यक्रममा कार्यालय प्रमुख प्रहरी उपरीक्षक (एसपी) सुदीप राज पाठकलगायत प्रहरी अधिकृतहरूले डीएसपी बस्नेतलाई मायाको चिनो प्रदान गर्दै सम्मानसहित बिदाइ गरेका हुन् ।
कार्यक्रममा प्रहरी अधिकृतहरूले पर्सामा कार्यरत रहँदा डीएसपी बस्नेतले निर्वाह गरेको जिम्मेवारी, व्यावसायिक दक्षता तथा संगठनप्रतिको योगदानको प्रशंसा गर्दै नयाँ कार्यस्थलमा सफल कार्यकालको शुभकामना व्यक्त गरेका थिए ।
साे अवसरमा जिल्ला प्रहरी कार्यालय पर्साका प्रहरी नायब उपरीक्षक राजु कार्की, इलाका प्रहरी कार्यालय पाेखरियाका प्रमुख प्रहरी निरीक्षक प्रदिप पाैडेल लगायतकाे उपस्थिती रहेकाे थियाे ।
