वीरगंज । पर्साको कालिकामाई गाउँ कार्यपालिका सदस्य चनरजोतिया दुसादिनको असामयिक निधन भएको छ ।
कालिकामाई गाउँपालिकाले जारी गरेको शोक विज्ञप्तिअनुसार कार्यपालिका सदस्य दुसादिनको बुधबार राति १०ः३० बजे निधन भएको हो । उनको निधनले सम्पूर्ण कालिकामाई गाउँपालिका परिवारलाई स्तब्ध बनाएको गाउँपालिकाले जनाएको छ ।
गाउँपालिका अध्यक्ष बशिष्ट कुमार गुप्ताले जारी गरेको सूचनामा दिवंगत आत्माको चिरशान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गरिएको छ । साथै परिवारलाई यो अपूरणीय क्षति सहन सक्ने शक्ति प्राप्त होस् भन्ने कामना समेत गरिएको छ ।
कार्यपालिका सदस्य दुसादिनको निधनप्रति श्रद्धाञ्जली अर्पण गर्दै गाउँपालिकाले असार ११ गते बिहीबारका दिन शोक बिदा दिएकाे थियाे । सूचनाअनुसार कालिकामाई गाउँपालिका मातहतका अत्यावश्यक सेवाबाहेक सम्पूर्ण कार्यालय तथा शैक्षिक संस्थाहरू बन्द रहेकाे थियाे ।
