वीरगंज । नेपालका अग्रणी प्रिमियम इलेक्ट्रिक स्कुटर ब्रान्ड एथर नेपालले वीरगञ्जको आदर्शनगरमा नयाँ एथर एक्सपिरियन्स सेन्टर सञ्चालनमा ल्याएको छ। गेटवे मोटर्स प्रालिको व्यवस्थापनमा सञ्चालनमा आएको उक्त केन्द्रले मधेश प्रदेशका ग्राहकहरूलाई एथरका आधुनिक तथा प्रविधिमैत्री इलेक्ट्रिक स्कुटरहरू सहज रूपमा उपलब्ध गराउने अपेक्षा गरिएको छ।
असार ४ गतेदेखि औपचारिक रूपमा सञ्चालनमा आएको नयाँ केन्द्रसँगै एथर नेपालको देशभर रहेका एक्सपिरियन्स सेन्टरहरूको संख्या १२ पुगेको छ। कम्पनीका अनुसार काठमाडौं उपत्यकाका पाँच केन्द्रसहित पोखरा, चितवन, इटहरी, बुटवल, जनकपुर, बिर्तामोड र वीरगञ्जमा एथरका एक्सपिरियन्स सेन्टर सञ्चालनमा रहेका छन्।
नयाँ केन्द्रमा एथरका सम्पूर्ण मोडेलहरू उपलब्ध छन्। प्रदर्शन केन्द्रित एथर ४५० सिरिज तथा परिवारमैत्री एथर रिज्टा मुख्य आकर्षणका रूपमा रहेका छन्। एथर ४५० सिरिजमा गुगल म्याप्स आधारित नेभिगेसन, अटोहोल्ड, फल सेफ, रिभर्स मोड, विभिन्न राइड मोड तथा रेस्पोन्सिभ टचस्क्रिन ड्यासबोर्डजस्ता अत्याधुनिक सुविधा उपलब्ध छन्। त्यस्तै एथर रिज्टामा फराकिलो सिट, ठूलो अन्डर–सिट स्टोरेज, ट्र्याक्सन कन्ट्रोल, टो एन्ड थेफ्ट अलर्ट, ह्वाट्सएप नोटिफिकेसन तथा आरामदायी राइडिङ अनुभव प्रदान गर्ने सुविधाहरू समावेश छन्।
ग्राहकहरूले नयाँ एक्सपिरियन्स सेन्टरमा स्कुटरहरूको प्रत्यक्ष अवलोकन, उत्पादन प्रदर्शन, टेस्ट राइड, स्मार्ट तथा कनेक्टेड प्रविधिबारे जानकारी, आकर्षक फाइनान्सिङ सुविधा तथा एक्सचेन्ज योजनाबारे विस्तृत जानकारी प्राप्त गर्न सक्नेछन्। साथै कम्पनीले बिक्रीपछिको सेवा सुदृढ गर्न प्रशिक्षित प्राविधिक, जेन्युइन स्पेयर पार्ट्स तथा मर्मत–सम्भार सेवासहित सेवा सहायता व्यवस्था पनि विस्तार गरेको जनाएको छ।
एथर नेपालले देशभर आफ्नो ‘एथर ग्रिड’ फास्ट चार्जिङ नेटवर्कलाई समेत विस्तार गरिरहेको छ। हाल प्रमुख सहर तथा राजमार्गहरूमा ४० भन्दा बढी फास्ट चार्जिङ प्वाइन्ट सञ्चालनमा रहेको कम्पनीले जनाएको छ। यसले एथर प्रयोगकर्ताहरूलाई सहज र भरपर्दो चार्जिङ सुविधा उपलब्ध गराइरहेको छ।
उद्घाटनको अवसरमा कम्पनीले असार १२ गतेसम्मका लागि विशेष अफर सार्वजनिक गरेको छ। यसअन्तर्गत ग्राहकहरूले आठ वर्षसम्मको विस्तारित ब्याट्री वारेन्टी, शून्य प्रतिशतसम्म ब्याजदरको फाइनान्सिङ सुविधा तथा एक्सचेन्ज गर्दा आठ हजार रुपैयाँसम्म अतिरिक्त मूल्याङ्कन लाभ प्राप्त गर्न सक्नेछन्।
कम्पनीले नवीन प्रविधि, सुदृढ पूर्वाधार तथा ग्राहक–केन्द्रित सेवामार्फत नेपालमा विद्युतीय सवारी साधनको प्रयोग विस्तार गर्ने प्रतिबद्धता दोहोर्याएको छ।
नेपालका लागि एथर इनर्जीको आधिकारिक तथा एकमात्र वितरक वैद्य इनर्जी प्रालिले देशभर विस्तार हुँदै गएको एक्सपिरियन्स सेन्टर, सर्भिस सेन्टर तथा एथर ग्रिड चार्जिङ पूर्वाधारमार्फत नेपालको विद्युतीय सवारी इकोसिस्टम निर्माणमा महत्वपूर्ण योगदान पुर्याउँदै आएको जनाएको छ।
