वीरगंज । क्रियाशील युवा पत्रकार मञ्च नेपालद्वारा आयोजित रक्तदान कार्यक्रम शनिबार वीरगंजकाे घण्टाघरमा सम्पन्न भएको छ । कार्यक्रममा ३ महिलासहित ६० जनाले रक्तदान गरेको रक्तसञ्चार केन्द्र वीरगंजले जनाएको छ ।
मञ्चका अध्यक्ष आनन्द पटेलको अध्यक्षतामा सम्पन्न कार्यक्रमको उद्घाटन नेपाल पत्रकार महासंघ पर्सा शाखाका अध्यक्ष ओमप्रकाश खनालले गरेका थिए । कार्यक्रममा पत्रकार, समाजसेवी तथा युवाहरूको उल्लेखनीय सहभागिता रहेको थियो ।
रक्तदान गर्नेहरूमा राकेश कुमार साह, आरोहण साह, ज्ञान्ती पटेल, पूजा साह, माधुरी महतो, अनिश पटेल, मुनेश पटेल, मुकेश पटेल, आदित्य शर्मा, दीपेन्द्र पटेल, दीपक पटेल, भूपेन्द्र पटेल, बृजकिशोर चौधरी, राजेन्द्र भट्टराई, अरविन्द पटेल, पप्पु साह, प्रताप पटेल, अनुज पटेल, रञ्जय पटेल, विशेष द्विवेदी, जितेन्द्र साह, सुनिल साह, सूर्यप्रताप पटेल, सागर कुमार साह, अनिल पटेल, सुभाषचन्द्र महतो लगायत रहेका थिए ।
कार्यक्रममा नेपाल पत्रकार महासंघ मधेश प्रदेशका सचिव दीपक गौतम, नेपाल रेडक्रस सोसाइटी पर्साका अध्यक्ष बृजकिशोर पटेल, समाजसेवी सञ्जु साह, प्रेस सेन्टर नेपाल मधेश प्रदेशका अध्यक्ष निरज पिठाकोटे मगर, प्रेस युनियन पर्साका अध्यक्ष तथा नेपाल पत्रकार महासंघ पर्साका सचिव विजय चौहान, समाजवादी प्रेस संगठन नेपाल पर्साका अध्यक्ष शम्भु कुमार सुमन, मञ्चका पूर्वअध्यक्ष प्रणय साहल, समाजसेवी बृजेश चौधरी, प्याब्सन वीरगंज महानगर अध्यक्ष राहुल श्रीवास्तव लगायतले रक्तदानको महत्वबारे धारणा व्यक्त गरेका थिए ।
वक्ताहरूले रक्तदान जीवनदान भएकाले स्वस्थ व्यक्तिले नियमित रूपमा रक्तदान गर्नुपर्नेमा जोड दिएका थिए । रक्त अभावका कारण कसैले पनि उपचारबाट वञ्चित हुन नपरोस् भन्ने उद्देश्यले यस्ता कार्यक्रमले सामाजिक चेतना अभिवृद्धि गर्ने विश्वास व्यक्त गरिएको थियो । साथै हाल रक्त संचार केन्द्र वीरगंजमा देखिएकाे रक्त अभाव परिपुर्तिमा कार्यक्रमले सहयाेग पुग्ने वक्ताहरुले विश्वास व्यक्त गरेका थिए ।
रक्तदान कार्यक्रममा रक्तसञ्चार केन्द्र वीरगंजका प्रमुख सौरभराज पाण्डेको नेतृत्वमा प्राविधिक टोलीले आवश्यक प्राविधिक सहयोग उपलब्ध गराएको थियो । कार्यक्रमको सञ्चालन मञ्चका उपाध्यक्ष वीरेन्द्र साहले गरेका थिए ।
